Муҳаммад Бекжон озодликка чиқди!

18 йил қамоқда бўлган таниқли журналист, 63 ёшли сиёсий маҳкум Муҳаммад Бекжон қамоқ муддатини тўлиқ ўтаб бугун озодликка чиқди.

Норвегияда яшаётган унинг укаси Мақсуд Бекжонинг Элтуз мухбирига билдиришича, у бир неча дақиқа олдин акаси Муҳаммад Бекжон билан гаплашган.

Мақсуд Бекжонга у телефонда ўзининг соғ саломат турмадан чиққанлигини билдирган.

Муҳаммад Бекжон 1999 йилдаги Тошкент портлашлари ортидан Киевдаги уйидан ўғирлаб кетилган ва портлашларга алоқадорликда айбдор, деб топилиб, озодликдан маҳрум этилган эди.

Eltuz.com