Cатира
14 январ 2020

EOИИга қўшилиш – мамлакат мустақиллигига хиёнат

Россия ташқи ишлар вазири Сергей Лавровнинг 15-16 январь кунлари Тошкентга ташрифи арафасида медиатармоқда Ўзбекистоннинг ЕОИИ (Евроосиё иқтисодий иттифоқи)га қўшилиши масаласидаги баҳслар авж олди.

Ўтган сайлов арафасида, хусусан, 18 декабрь куни хорижлик дипломатлар билан бўлган учрашувда Ўзбекистондаги тўртта сиёсий партия – ЎзЛиДеП, «Адолат», ХДП ҳамда Экологик партия вакиллари ЕОИИга кириш тарафдори эканликларини тасдиқлаган эдилар.

“Бир аср аввал маҳаллий бойлар Тошкент дарвозасини «Оренбург билан савдо осонлашади», деб очиб берган эди. Сиёсий ташкилот бўлмиш ЕОИИга киришни иқтисод билан оқлаб бераётганлар оригиналроқ баҳона топса бўлар эди”, дея изоҳ ёзди бунга жавобан таниқли блогер ва журналист Сардор Салим фейсбук саҳифасида.

Бошқа бир блогер Баҳром Раҳмон эса кутилаётган хатарни 2015 йили ЕОИИга қўшилган қўшни Қирғизистон ва Беларусь мисолида кўрсатади.

“Мен олдинги мақолаларимда мазкур уюшма Қирғизистонга берган ваъдаларини бажармагани, Қирғизистон маҳсулотлари қозоқ чегарасидан ўта олмай қайтарилаётгани оддий ҳолга айлангани, қирғизистонлик мигрантларга патент бекор қилинган бўлса-да, уларнинг пул жўнатмаларида 5 йил ичида ижобий ўзгариш бўлмагани ҳақида ёзган эдим. Текин пишлоқ фақатгина қопқонда бўлади. Россиянинг энг яқин қўшниси бўлмиш Беларусь ҳам бу уюшмага аъзо бўлишига қарамай, Россия 2020 йил 1 январдан бошлаб Беларусга арзон нархда нефть етказиб беришни тўхтатди».

Сиёсий таҳлилчи Алишер Илҳомов ҳам фейсбук саҳифасида ЕОИИнинг бир қопқон экани ҳақида ёзди.

“Ўзбек ва бошқа «истон»ларни қопқонга имлашяпти. Икки ватандошлик ғояси мамлакат суверенитетига таҳдид солмайдиган мамлакатлар ўртасидагина яхши бўлиши мумкин. Бизнинг ҳолатимизда эса РФ билан келажакда қандай зиддиятлар чиқишини тасаввур қилиш қийин эмас”, дея ёзди Алишер Илҳомов.

Собиқ дипломат Қодир Юсуповнинг 9 январь куни чет эл жосуслигида айбланиб 5 ярим йилга қамалиши юзасидан ёзган изоҳида эса Алишер Илҳомов аслида ЕОИИга қўшилиш ғояси ватан манфаатларига кўпроқ хиёнат эканини урғулади.

“Айни пайтда, АЭС қуриш шартномасини имзолаш, шунингдек, мамлакатни ЕОИИга тортиш орқали РФ ҳарбий авиациясига ҳаво йўлларини очиб бериш билан мамлакат манфаатларига хиёнат қилаётган шахслар эмин-эркин юришибди”, дея изоҳ ёзди Aлишер Илҳомов.

Eltuz.com

Тағин ўқинг
21 март 2016
Хусусан, газетада эълон қилинган “Ахборот қуроли қачон ва нима мақсадда қўлланилади?” сарлавҳали мақолада “эндиликда жамики зиддиятлар ахборот қуроли ёрдамида ...
19 март 2019
Назарбоев махсус техника билим юртини тугатган. Олий партия мактабини битирганини айтмаса, олий маълумоти йўқ. Аммо бутун камчиликларига қарамасдан, Қозоғистонни ...
4 июл 2022
1916 йилнинг 25 июнида Чор хукумати Туркистоннинг 19 ёшдан 43 ёшгача бўлган эркакларини «Мудофаа ишларига» сафарбар қилиш учун фармон ...
30 май 2022
Телеграмдаги «Элтуз» Порталига ҳар куни кўплаб шикоят мактублари келишда давом этмоқда. Баъзан уларни мустақил манбалар орқали текшириш имкони йўқ. ...
Блоглар
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...