Мен Ватанга қайта олмайман

Шоир Юсуф Расул 1971 йил Тожикистоннинг Панжикент туманида туғилган. 1993 йилда ТошДунинг журналистика факультетини тамомлаган. Ўзбек вақтли матбуотидаб Би-Би-Си, «Америка овози». «Уруш ва тинчликни ёритиш» институтларида ишлаган. «Кўнгилдаги масофа» шеърлар тўплами муаллифи. Айни пайтда Швецияда яшайди.

Мен Ватанга қайта олмайман,“Қайтайлик” дер ўғлим ўксиниб.

“Қайтайлик” дер кўнглим хўрсиниб…

Мен Ватанга қайта олмайман.
Ўз ўзимни кунлар алдайман,
Ўз ўзимни тунлар аврайман:
“Бир кун келар сенга ярайман”.

Мен Ватанга қайта олмайман…
Тушларимда ўлган болалар,
Кўз ўнгимда мазлум оналар,
Андижонни тутган нолалар,

Мен Ватанга қайта олмайман.
Муҳожирман, ҳариф афком йўқ,
Қайтмоқликка бирор имкон йўқ,
Қолар бўлсам дилда бир ком йўқ,

Мен Ватанга қайта олмайман.
Видео: https://youtu.be/g4Qq66Su1KI
Юсуф Расул
Озодлик оханглари
Eltuz.com