Cатира
9 октябр 2017

Тўрттаси кирди, тўрттаси чиқди…

Журналист Бобомурод Абдулланинг қамоққа олиниши ортидан, ўзбек ҳукумати узоқ муддат қамоқда сақланган бир нечта ҳуқуқ фаолларини озод қилди.

7 октябр куни «Мазлум» инсон ҳуқуқлари ташкилотининг собиқ раҳбари 66 яшар Аъзам Турғунов турмадан чиқарилди. У касб фаолияти сабаб 2008 йили 10 йилга қамалган эди.

4 октябр куни, 2008 йили машинасига гиёҳванд модда ташланиб 9 йилга қамалган, 67 ёшли журналист Солижон Абдураҳмонов озод этилди;

3 октябр куни эса, ўн йилдан ортиқ ҳибсда сақланган инсон ҳуқуқлари фаоли 38 яшар Аъзам Фармонов қамоқдан қамоқдан чиқди.

27 сентябр куни ўғирлаб кетилган журналист Бобомурод Абдулла «Усмон Ҳақназар» таҳаллуси остида «амалдаги тузумни ўзгартиришга чақирувчи» мақолалар ёзиш ва «ҳокимиятни ағдаришга уриниш»да айбланмоқда.

Бу ҳақдаги 1 октябрда чиқарилган суд ажрими «Элтуз» нашрига 5 октябрда келиб тушди.

Ажримга кўра, журналист Бобомурод Абдуллаев билан бирга яна икки нафар шахс, Салаев Равшанбек ва Оллоёров Шавкатжонлар ҳам ҳибсда қолмоқда.

Бундан илгари, 27 сентябр куни Тошкент аэропортида қўлга олинган ёзувчи Нурилла Отахоновга нисбатан ҳам «Бу кунлар» китоби учан 159-модда бўйича жиноят иши очилган эди.

Кузатувчиларнинг фикрича, ҳуқуқ фаолларининг озод этилиши, ҳукуматнинг журналист Абдуллаев ҳибсга олинганидан сўнг пайдо бўлган умумий фонни яхшилаш истаги билан боғлиқ.

«Улар (озод қилинган фаоллар) Бобомуроддан миннатдор бўлишлари керак» деб ёзди Лондонда яшовчи таҳлилчи Алишер Илҳомов ўзининг Фейсбук саҳифасида.

Рассом Туз
Eltuz.com

Тағин ўқинг
26 апрел 2024
РТ: Мана хафта зувв этиб айланиб яна сиз билан юзма юзман. МС: Овонг оғо, бугун бешланжий гун. Гурунгни сиздан ишитамиз. ...
26 май 2016
Тошкент марказидаги Космонавтлар хиёбонида яшовчи SH Kuryazova кабель ва йўлдош антенналар симлари узиб ташланганидан ёзғирди. У Фейсбукда ўз ҳасратини ...
12 август 2019
(Прокурорларнинг очиқ хати тўлиқ ва стилистика сақланган ҳолда эълон қилинмоқда)  Муҳтарам Шавкат Миромонович Мирзиеев, халқсевар юртбошимиз, мурожатимиз бошида Сизга, ...
28 феврал 2018
Ўзбекистон Миллий хавфсизлик хизмати собиқ раиси, қўли узун Рустам Иноятовнинг ўғлига тегишли кўчмас мулклар ҳақида Open Source Investigations (OSI) ...
Блоглар
8 феврал 2025
Шу пайтгача «Анора» деган икки фильм олинди. Биттаси етим қизнинг ашлачи бўгани ҳақида¸ яна биттаси ...
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...