Асосий мавзулар
24 октябр 2017

Фарғонада пахта теримига “одам солиғи” авж палласига чиқди

Фарғона вилоятидан сафарбар этилган 15 мингга яқин аҳоли бугунги кунда Сирдарё, Жиззах вилоятлари ҳамда Қорақалпоғистон Республикасида пахта тераётганига қарамай, яна 10 мингга яқин кишилар навбатма навбат Тошкент вилояти пахтазорларига юборилмоқда.

Воқеаларни кузатаётган «Элтуз» мухбирига кўра, вилоятда аввалги теримчиларнинг кўп қисми эркак теримчилар бўлиши талаб этилган бўлса, бу сафар ундай талаб қўйилмади.

Туман мулозимларидан бири, совуқ тушиб қолгани учун теримчи топа олмай анча қийналиб қолганини билдиради.

«Ҳар бир туман Тошкент вилоятига 2000 мингта теримчи бериши керак. Аввал одамлар 500 минг сўм учун пахтага кетишга рози бўлишган эди. Улар ҳар куни телефон орқали яқинлари билан боғланиб, у ердаги шарт-шароитни ёмонлигидан шикоят қилишган ва бу гапларни одамлар эшитган», деди у «Элтуз» мухбирига.

У шунингдек Сирдарёда одамлар тахта пол устида ухлашгани, Қорақалпоғда эса аҳвол ундан ҳам бадтар эканлигини билдиради.

«Овқатлари ҳам шунга яраша. Шунинг учун биз тумандаги ҳар бир ташкилотга ташкилотнинг ходимларининг сонига қараб норма белгиладик. Масалан, 10 нафар ходим ишлайдиган корхона ёки ташкилот албатта 4 нафар теримчи топиши керак» дейди у.

Туман статистика бўлимида ишловчи ходим одам ёллашга улардан тағин пул йиғиб олинганини айтади.

«Ойлигим 800 минг сўмга етмайди. Аммо ўтган сафар Сирдарёга битта одам учун 500 минг сўм, бу сафар эса яна 500 минг сўм йиғилди. Биз тўртта одам топишимиз керак. Демак 2 млн. сўмни ҳамкасбларим билан бирга ўз чўнтагимиздан тўлаймиз» дейди у.

У шунингдек, бошлиғи «агар пул беришни истамасангизлар ўзларинг бориб пахта теринглар, бўлмаса ишдан бўшаш ҳақида ариза ёзинглар» деганини билдиради.

Насима Даврон қизи
Eltuz.com

Тағин ўқинг
28 июн 2023
Жуда оддий эканлигини тушунтириб беришдан олдин расмий хабарни улашсам. Президентликка номзод Шавкат Мирзиёев Навоийдаги «сайловчи» лар билан бетлашган пайтида ...
25 ноябр 2016
Сўнгги кунларда Ўзбекистон президентлигига номзодлар вилоятларга сайр қилиб, сайловчилар билан учрашувларни авж олдириб юборди. Бу учрашувларда эса улар қўлидан ...
8 апрел 2019
Жиноят ишлари бўйича Тошкент шаҳри судининг ёпиқ мажлисида ўтган асрнинг 90-йилларда Шуҳрат Домбрабадский номи билан танилган 62 яшар авторитет ...
16 феврал 2017
15 феврал куни Шавкат Мирзиëевга видеошикоят билан мурожаат қилган тошкентлик тадбиркор Олим Сулаймонов қамоққа олинди. Тошкент вилоятининг Қибрай туманида ...
Блоглар
28 ноябр 2023
СССРни алқашга қаратилган, коммунистик руҳда суратга олинган кинолар Ўзбекфильм архивида жуда кўп. Гўёки Россия босиб ...
23 ноябр 2023
Янги Ўзбекистонда жамият иккига бўлинган: Бир бири устидан ëзадиганлар ва пул бериб, бировнинг устидан ëздирадиганларга. ...
15 ноябр 2023
Тармоқ, яъни социал медиа ўзбек сегментида кузатишларимга кўра хотин-қизлар орасида ашаддий диний фанатизмга мойиллик кучли. ...