Асосий мавзулар
3 сентябр 2018

Милицияга чақирилган дизайнер Миразиз Аҳмедов уйига қайтмади  

2 сентябрь куни милиция бўлимига чақирилган тошкентлик интерьер дизайнер ва блогер, 41 ёшли Миразиз Аҳмедов уйидан чиқиб кетганича ҳануз қайтгани йўқ.

Миразиз Аҳмедовнинг шогирдларидан бири Алишер “Элтуз”га унинг милицияга кетганича 3 сентябрь куни ҳам қайтиб келмаганини билдирди.

“Уни “Ибн Сино-2″  маҳалласи нозири чақирган. Шайхонтоҳур ТИИБда ушлаб туришган бўлишлари мумкин. Биз хавотир олишмасин деб ҳалигача яқин қариндошларига хабар қилганимиз йўқ эди”, деди Алишер “Элтуз” мухбирига.

Охирги марта Миразиз Аҳмедов фейсбукда 2 сентябрь куни, маҳаллий вақт билан 10.25 да: “Мени чақиришяпти милицияга. Дуо қилиб туринглар”, деган хабар қолдирган эди.

“Ҳибслар сценарийси илгариги уч блогерники билан бир хил”

Тошкентлик ҳуқуқ фаоли Суръат Икромов “Элтуз” нашрига Миразиз Аҳмедовнинг тақдири ҳам ундан олдин ҳибсга олинган уч блогер  – Адҳам Олимов (Мусанниф Адҳам), Зиёвуддин Раҳим ва Отабек Усмоновники билан бир хил – диний дастакланган бўлиши мумкин, деган фикрни айтди.

“Бу ерда сценарий бир хил. Ушланганларнинг ҳаммаси намоз ўқийдиганлар. Лекин бу уларнинг жазоланишига баҳона бўла олмайди”, деди Суръат Икромов.

Сурат Икромов тарқатган хабарга кўра, 28 августда ҳибсга олинган Адҳам Олимовнинг уйидаги барча ёзиш ускуналари мусодара қилинган. Олмазор тумани маъмурий суди эса унга 15 сутка қамоқ жазоси белгилаган.

Адҳам Олимов диний мавзуда блоглар ёзиб келган эди

Адҳам Олимов билан бир кунда Тошкентда Зиёвуддин Раҳим ва Андижонда Отабек Усмонов исмли блогерлар ҳам қўлга олинган.

Зиёвуддин Раҳим Олмазор тумани суди қарори билан 10 кунга қамалган. У ҳам милиция ходимининг қонуний талабини бажармаганликда айбланмоқда.

Отабек Усмонов эса ўзи ишлаётган General Motors Uzbekistan ширкатида қўлга олинган ва 15 суткага қамалган эди.

“Менимча, бу воқеаларнинг ҳаммасида янги хавфсизлик хизматининг (ДХХ) қўли борга ўхшаяпти”, дея изоҳ берди “Элтуз”га Суръат Икромов.

Eltuz.com

Тағин ўқинг
9 май 2016
“Миллий тикланиш” газетаси Ўзбекистон президентининг 9 май – Хотира ва қадрлаш куни муносабати билан Хотира майдонида ОАВ вакилларига берган ...
6 декабр 2018
2018 йилнинг 4 декабрь куни Тошкент шаҳри судида бўлиб ўтган апелляция маҳкамасида айбланувчи Шаҳноза Бойқунусова маҳкамага Ўзбекистон ички ишлар ...
4 октябр 2016
СССР Олий суди Ҳарбий коллегиясининг 1938 йил 4 октябрдан 16 октябргача бўлган сайёр йиғилишларида 507 нафар ўзбекистонлик сиёсий махбуслар ...
17 январ 2019
1992 йилнинг 16 январида Тошкентнинг Талабалар шаҳарчасида стихияли намойиш Ислом Каримов буйруғи билан шафқатсиз бостирилган эди. Шу куни мен ...
Блоглар
23 август 2019
Мамлакат турғунларининг бузилаётган уйлари учун бозор нархида товон талаб қилиши очкўзлик экан. Президент самолёти учун ...
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...