Асосий мавзулар
4 сентябр 2018

Гулнорага пора берганларнинг суди бошланди (видео)

Швеция пойтахти Стокгольмда 4-сентябр эрталабдан Гулнора Каримовага пора беришда айбланаётган Telia мобил ширкатининг уч нафар собиқ рахбарлари устидан суд бошланди.

Суднинг 8-нчи залидаги судланувчилар курсисига соат 9.00 да Telia ширкати собиқ бош ижрочи директори Ларс Нюберг, собиқ молиявий директори Теро Кивисаари ва ширкатнинг Евроосиë мамлакатлари фаолияти бўйича собиқ бош маслаҳатчиси Ули Туималар келтирилди.

Бу шахслар Ўзбекистондаги Ucell фаолияти учун зарур лицензияни олиш ва Гулнора Каримованинг “паноҳида бўлиш” учун 350 миллион АҚШ доллар миқдорида пора беришда судланишмоқда.

“Изоҳ берилмайди!”

Cуд залига яқинлашаркан, журналистларга тўқнаш келган Ларс Нюберг уларнинг кўплаб саволларига: “Изоҳ берилмайди!” дея совуққина жавоб қилди.

Судга икки нафар судя Томас Зандер ва Анна Лилиенберглар хакамлик қилмоқда. Жамоатчилик вакиллари, журналистлар, адвокатлар, қораловчи томон вакиллари иштирок этмокда.

Суднинг тушгача давом этган дастлабки кисмида, махкама жараёнига оид масалалар муҳокама қилинди.

Прокурор айблови ва ширкатнинг собиқ молиявий директори Теро Кивисаари адвокатларнинг жавоби тингланди.

Пора олганлар судланувчилар рўйҳатида йўқ

Гулнора Каримованинг ўзи ва пора эвазига давлат лицензиясини беришда иштирок қилган ўзбекистонлик мулозимлар судланувчилар рўйхатида йўқ.

Telia компанияси АҚШ Адлия вазирлиги билан судгача эришган келишувида Ўзбекистонга кириш учун Гулнора Каримовага 331 миллион доллар пора берганига иқрор бўлган ва 2017 йил сентябрда қарийб 1 миллиард доллар жарима тўлашга кўнган эди.

Гулнора Каримованинг Швейцариядаги пул можароси

Сўнгги маълумотларга кўра, Швейцария томони айни пайтда,  Гулнора Каримов банк ҳисобидаги музлатилган маблағларни Ўзбекистонга топшириш жараёни устида ишламоқда.

Аммо Ўзбекистон фуқаролик жамиятининг бир қатор фаоллари Гулнора Каримованинг Швейцария банкларида сақланаётган пулларини шунчаки расмий Тошкентга топшириб юборишга шошилмасликка чақиряпти.

Уларнинг фикрича, бу маблағлар Ўзбекистонга мамлакат раҳбарияти ваъда қилаётган ислоҳотларнинг ижобий амалий натижаларига қараб, бўлиб-бўлиб қайтарилиши лозим.

11 йил бурунги Ўзбекистон билан боғлиқ коррупция жавобгарлиги

4 августда бошланган суд Ўзбекистондан мобил лицензияси олиш учун ўзбек диктаторининг қизи Гулнора Каримовага пул берганларнинг қанчалик айбдор ёки айбсизлигини ўрганмоқда.

Гарчи бу воқеа 11 йил илгари 2007 йили содир бўлган, молиявий жиноят иши олти ой тергов қилинган ва ширкатнинг собиқ рахбарларини бугун анча кучли адвокатлар астойдил ҳимоя қилмоқда.

Суд мажлисида, прокурор томонидан ўрганилган, Гулнора Каримова коррупцион схемасига оидлиги аниқланган далиллар экранга чиқариб кўрсатилмоқда. 

Маҳкама жараёни швед Телевидениеси ва бошқа оммавий ахборот воситалари орқали ёритилмоқда.

“Элтуз” нашри Стокгольмдаги Гулнорага пора бериш можароси бўйича суд жараёнини кузатишда давом этади.

Eltuz.com

 

Тағин ўқинг
3 июл 2017
1-июлдан Ўзбекистонда интернетга расмий руҳсатсиз клип қўйиш тақиқланди. Озодбек Назарбеков ёшлар каналига рахбар бўлди. “Камолот” ҳаракати тугатилди. “Ёшлар иттифоқи” ...
2 сентябр 2016
Таъзияни ТРТ давлат телеканали намойиш этди. “Ўзбек Президенти Ислом Каримов оламдан ўтди. Аллоҳ уни раҳматига олсин. Туркия Республикаси ўзбек ...
27 октябр 2016
26 октябр куни 78 ёшида вафот этган таниқли кинорежисер Мелис Абзаловнинг жанозаси Стокҳолмнинг Кунгсэнген бўлгасида жойлашган мусулмон қабристонида ўқилди. ...
27 апрел 2019
2018 йил декабрь ойида Сирдарё вилояти жиноят ишлари суди Сардоба пахта тозалаш заводидаги талон-торожликлар бўйича ишни кўриб чиқди. Айбланувчилар ...
Блоглар
11 декабр 2019
Кун ўтмоқда, сана ўзгармоқда, лекин ижобий ўзгаришлар рўй бермаяпти. Мен Одил Элмурод, ”Эзгулик” инсон ҳуқуқлари ...
10 декабр 2019
Ўзбекистон мусулмонлари идорасида раис ўринбосари бўлиб ишлаган Дилшодбек Ҳошимов ушбу муассасага Жаслиқ қамоқхонаси мулозимлигидан келган ...
9 декабр 2019
Абдували Қутбиддин 8 декабрь куни 59 ёшида Тошкентда вафот этди. Замондошлари наздида у ўзбекнинг далли ...