Қодиров ва Мирзаев ишининг бир қисми судга оширилган

«Би Би Си»нинг Ўзбекистон Олий суди матбуот хизматидан иқтибос келтириб ёзишича, собиқ бош прокурор Рашид Қодиров устидан суд бошлангани ҳақидаги хабар нотўғри.

12 cентябрь куни «Элтуз» нашри ўз манбаси сўзларига таяниб, Тошкент шаҳрининг жиноят ишлари бўйича Юнусобод тумани судида собиқ бош прокурор 66 яшар Рашид Қодиров ва унинг шериги, Тошкент шаҳри прокурори ўринбосари бўлган 68 яшар Мирағлам Мирзаев иши устидан суд жараёни бошлангани ҳақида хабар берган эди.

«Қодиров ва Мирзаев иши умумий иш юритишдан ажратилиб, жиноят ишлари бўйича Юнусобод тумани судига ўтказилган. Қолганларнинг тергови давом этмоқда», дея изоҳ берди вазиятга «Элтуз»нинг Юнусобод тумани судидаги манбаси.

Eltuz.com