Сиёсий маҳкум Ҳумоюн Раҳмонов турмадан видеомурожаат йўллади

Cиёсий маҳкум, бухоролик 35 яшар ҳуқуқ фаоли Ҳумоюн Раҳмоновнинг халқаро жамоатчиликка йўллаган видеомурожаати 23 апрель куни тармоқда эълон қилинди.

Раҳмонов ўз видеосида фермерлар ҳуқуқини талаб қилиб, президент Ислом Каримовга мурожаат этгани учун 2010 йилнинг 12 августида ҳибсга олинганини айтади.

Уни МХХнинг Бухородаги ертўласида 6 ой сақлашади. Кейин суд уни ҳеч бир далил исботсиз «конституцион тузумга тажовуз» ва «тақиқланган ташкилот тузиш ёки иштирок этиш»да айблаб 6 йилга озодликдан маҳрум этади.

Қамоқ муддати тугаганига қарамай, 2016 йилнинг 12 августида Ҳумоюн Раҳмоновга «турма режимини бузди» деган айблов билан яна уч йил қўшиб берилади.

Ҳозирда маҳкумнинг бир кўзи жарроҳлик амалиётларидан кейин кўрмай қолган. Глаукоманинг оғир шакли билан хасталанган.

Раҳмонов ўз видеомурожаатида яқинларига ва ўзига босимлар тўхтамаётганини билдиради ва халқаро жамоатчиликдан ёрдам сўрайди.

Eltuz.com