Асосий мавзулар
9 июн 2020

Асакадаги автозавод механиги карантинда кўричакдан ўлди

“Uzauto Motors”нинг Асакадаги заводида автобуслар гаражида навбатчи механик бўлиб ишлаган, икки ўғилнинг отаси, 53 ёшли Аҳрорбек Сайфиддинов кўричакнинг зўрайиши оқибатида 3 июнь куни операция столида ўлди.

Воқеадан ўн кун бурун навбатчиликда бўлган механик Аҳрорбек Сайфиддинов мазаси йўқлиги, қорни ва белида оғриқ пайдо бўлганини айтиб рухсат сўраганида уйга кетишга изн беришмаган.

Бунинг ўрнига завод санитария қисми шифокори унга уч кун мобайнида оғриқ қолдирувчи укол қилиб, баралгин бериш билан кифояланган. Беморнинг кўричаги йиринглаб, ошқозонига ўтганидан сўнг уйига жўнатишган.

Бу ҳақда Сайфуддиновнинг ўз исмини очиқлашни истамаган ҳамкасби, “Uzauto Motors” заводи ишчиси “Элтуз”га 8 июнь куни гапириб берди.

Унинг билдиришича, карантин даврида жорий қилинган қоидага кўра, ишчилар 15 кун заводда ётоқда, 15 кун уйда қолиб, алмашиб ишлашмоқда.

Завод санитария қисмида ҳам икки врач – бир аёл ва бир эркак ходим алмашиб ишлаган. Тез ёрдам чақириш ўрнига улар оғир беморни ишда сақлаб ўтиришган.

“Элтуз” Сайфуддиновнинг яқинлари билан боғланди. Улар ҳам ўлим тафсилотларини тасдиқлашди. Марҳумнинг беваси, 42 ёшли Насиба Бозорбоеванинг “Элтуз”га айтишича, 15 кунлик навбатчиликда қолган эри аҳволи оғирлигидан, иштаҳаси йўқлигидан шикоят қилган.

“Карантин бўлгани учун уйга жавоб беришмаяпти, деди. Арафа куни бошланган. Оғриқ қолдирадиган дориларни ичиб юрган. Жавоб беришмабди унга. Карантинда ваҳима бўлиб кетади, деб қўрқишибди. Кейин оғриқ зўрайган. 30 май куни укасини чақириб, бериб юборишган. Асакага, “шошилинч”га олиб боришди кейин. Аввалига оғриқ қолдирадиган укол қилиб қўйворишди. Кейин яна олиб бордик ўша ерга. Ўтказиб юборибсизлар, бу камида 10 кунлик касал, кўричак ёрилиб, йиринглаб, ички аъзоларига ҳам ўтиб кетган, дейишди. 3 июнь куни наркоз остида операция столида ўлди кейин”, деди марҳум механикнинг беваси.

Мақола чоп этилишидан олдин «Элтуз» 8-9 июнь кунлари “Uzauto Motors” матбуот маркази ва колцентр телефон рақамларига қўнғироқ қилди.Телефонни кўтарган ширкат матбуоти хизмати ходимаси илтимосига кўра, Аҳрорбек Сайфиддинов ўлимига оид саволлар “Uzauto Motors” матбуот хизмати телеграм месенжерига жўнатилди. Лекин ҳозирча жавоб олингани йўқ. Бундан олдин “Озодлик” радиоси “Uzautо Motors” автомобиль заводи ишчилари коронавирус хавфи сабаб ётиб қолиб ишлашаётгани ҳақида хабар қилган эди.

Eltuz.com

Тағин ўқинг
4 сентябр 2017
ЎзМТРКда йил давомида узлуксиз раис алмашувидан сўнг тағин Алишер Хўжаев раис бўлди. Уни шу йилнинг февралида Мирзиёев ишдан бўшатган ...
11 май 2016
Ўзбекистондаги айни тенденцияни бугун Eltuz.com нашри рассом Туз қаламига мансуб навбатдаги кариакатура орқали акс эттиради. Газетада исми ошкор этилмаган ...
2 март 2020
Мансур Мировалев АҚШ давлат котиби Майк Помпео Марказий Осиё раҳбарларини қатағонларни қоралашга чақирган бўлса-да, экспертларнинг таъкидлашича, Пекиннинг минтақадаги таъсири ...
2 март 2017
28-февралдан 2-мартгача Истанбулда бўлган Бош вазир ўринбосари Рустам Азимов бошчилигидаги ўзбек делегацияси Туркия ва Ўзбекистон ўртасида сармоялар ётқизилишини ваъда ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...