Асосий мавзулар
20 ноябр 2020

“Элтуз”га мактуб: Бизга газ ва чироқ керак.

Ассалом алайкум, Eltuz!

Биз Бухоро вилояти Шофиркон туманидан мурожаат қиляпмиз.

Ҳаво ҳарорати тушиши билан қувурлардан келаётган газ босими кескин пасайиб кетди.

Уйда ёш болам, кекса онам бор. Уй жуда совуқ. Печкага ёқиш учун ўтин ҳам қолмаган. Ҳар йил шу аҳвол. “Тумангаз” идорасига мурожаат қилсак, 1-2 кун газ беради, кейин яна эски аҳвол.

3-сектор раҳбари Аваз Элбеков сайловдан кейин изсиз йўқолди, одамлар дардини сўраб қишлоғимизга умуман келмайди. Туман кенгашидаги депутатимиз ким эканини ҳам билмаймиз. 

“Янги Ўзбекистон – янгича дунёқараш” бизга нима керак?

Бизга ҳаёт учун қишда зарур бўлган бирламчи эҳтиёжлар – газ, электр керак.

Совуқ уйда шам ёруғида дарс қилаётган болаларимиз: “Ойижон, баҳоргача ижарага уй олиб, шаҳарга кўчиб кетайлик”, дейди. Афсуски, иш жойим мактабда, уйда мол-ҳол бор. Қишлоққа ипсиз боғланганмиз.

Ривожланган давлатларнинг космик кемалари Марсни забт этаётган ХХI асрда бизда газ ва электр таъминоти миллионлаб ўзбекнинг муаммоси бўлиб қолмоқда. Мана, Шавкат Мирзиёевнинг президент бўлганига 4 йил бўлди, аммо ҳалигача аҳолини оддийгина газ ва электр билан таъминлаш хуржун бўлиб қолмоқда.

Халқни ўйлайдиган мард раҳбарлар “Қизил китоб”га кириб кетмоқда.

Тағин ўқинг
24 апрел 2019
Бу йил Ўзбекистонда Ёшлар иттифоқи ташкилотининг ўтмишдоши “Камолот” ёшлар ижтимоий ҳаракати ташкил топганига 19 йил тўлади. Эски комсомол ўрнига ...
17 феврал 2017
“Халқ сўзи” газетаси (15.02) “Ижтимоий фикр” жамоатчилик фикрини ўрганиш марказининг ёшлар қизиқиш ва қарашларини ўрганишга бағишланган сўрови натижаларини эълон ...
15 феврал 2018
МХХ идорасининг Тошкент шаҳри марказида жойлашган бош биносидан кўчирилаётгани ҳақида 14 февраль куни “Элтуз” нашри хабар берган эди. Тошкентнинг ...
23 май 2019
2019 йилнинг 3 майида президент имзолаган ва матбуотда эълон қилинган қонунда Ўзбекистондаги барча ҳайдовчилар малака ошириш сертификати олиши кераклиги ...
Блоглар
1 декабр 2020
«Ошин» – 1983 йилда Японияда суратга олинган кўп қисмли фильм. Бош ролларда Нобуко Отова, Юко ...
25 ноябр 2020
Кузда кетиб кузда қайтдим Совет Армияси сафидан. Бизни армия сафига олий ўқув юртларининг кундузги бўлимидан ...
24 ноябр 2020
“Ҳумо” номли учоқ ширкати ҳақида гап чиқиши билан эронлик дўстларим ўзбекларни плагиатда айблади. Эронда “Ҳумо” ...