Кундалик
1 феврал 2016

BJ’s Wholesale Club савдо компанияси ўзбек пахтасидан воз кечади

2016 йил 27 январь куни BJ’s Wholesale Club чакана савдо компанияси Пахта мажбурияти (Cotton Pledge)га имзо чеккан 200 дан ортиқ бренд ва компания сафига қўшилди. Бу билан у Ўзбекистон ҳукумати ўзининг пахта секторида мажбурий меҳнатдан фойдаланишга чек қўймаганига қадар ўзбек пахтасидан маҳсулотлар ишлаб чиқармасликни ўз зиммасига олди.

“Сифатли кийим-кечак ва уй учун товарлар ишлаб чиқарувчи чакана савдо компанияси ўлароқ, Ўзбекистон ёки бошқа ҳар қандай давлатда мажбурий меҳнатнинг ҳар қандай кўринишига йўл қўймаслик ҳақида гапиришда давом этишимиз шарт”, деди сифат ва атроф муҳит муҳофазасини таъминлаш бўйича вице-президент ёрдамчиси Скотт Уильямс компания томонидан тарқатилган пресс-релизда.

Пахта ишлаб чиқаришдаги мажбурий меҳнат кўплаб мамлакатларда ҳалигача кенг тарқалганига қарамай, ҳеч бирида Ўзбекистондагичалик улкан ташкилий кўламга эга эмас. Ўзбекистон ҳукумати ҳар йили бир миллиондан ортиқ фуқарони мамлакат пахта далаларида ишлашга мажбурлайди. Ҳар кузда ҳукумат университетлар ва давлат муассасаларини бир неча ойга ёпиб қўяди ва талабалар, ўқитувчилар ва давлат хизматчиларини пахта далаларига жўнатади. Кийим-кечак ва уй учун товарлар ишлаб чиқарувчи компанияларнинг қўллаб-қувватлаши ва ҳамкорликдаги саъй-ҳаракатлари муваффақият келтирди. Ўзбекистон ҳукумати вояга етмаган болаларни пахтага ёппасига жалб қилишни тўхтатди. Аммо мажбурий меҳнатнинг барча кўринишларига чек қўйиш учун пахтачилик тизими ислоҳ қилинишини шарт.

“Пахта мажбуриятини имзолаб, BJ’s компанияси ўзига етакчилик вазифасини олди. Глобал таъминот занжирида мажбурий меҳнатдан фойдаланиш орқали ишлаб чиқарилган материаллардан воз кейиш қийин масала. Лекин BJ’s каби компанияларнинг бу ҳаракатга қўшилиши ва бутун тармоқда ўзгаришлар ясаш йўлидаги кучларни бирлаштириши орқали бунинг имкони бор. Бу ҳужжатни имзолаган ҳар бир компания дунёмизни замонавий қулликка барҳам беришга бир қадам яқинлаштиради”, деди Ўзбекистондаги мажбурий меҳнатга қарши Пахта мажбурияти ташаббускори бўлган Responsible Sourcing Network ноҳукумат ташкилоти директори Patricia Jurewicz.

Ўзбек пахтасидан фойдаланмасликка доир Пахта мажбуриятини имзолаган ташкилотлар рўйхатини қуйида кўриш мумкин.

Тағин ўқинг
19 апрел 2018
Истанбулдаги Отатурк аэропортига Тошкентдан учиб келган ўрта ëшдаги ўранган ўзбек аëли 5000 қути сигаретани яширинча ўтказмоқчи бўлганида божгирлар қўлига ...
6 июн 2017
Рустам Азимов Ўзбекистон бош вазири ўринбосари лавозимидан озод этилди. Бу ҳақда 6 июн куни УЗ24 нашри хабар берди. Хабарларда ...
5 октябр 2015
Пахта терими мавсумида мажбурий меҳнатга оид мониторинг ўтказиш мақсадида “Альянс” инсон ҳуқуқлари лидери Елена Урлаева билан 2015 йилнинг 27 ...
20 июл 2018
Нукус музейида 16 июлга ўтар кечаси занглаган қувурдан оққан сув машҳур футурист рассом Александр Шевченконинг “Челак кўтарган аёл” расмига ...
Блоглар
21 сентябр 2020
Аёллар дискриминацияси ва гендер тенгликка қарши ҳаракатлар аввал масжидларда, ички ишлар ходимлари орасида (аёлларни ечинтириб, ...
14 сентябр 2020
Бир танишим бор эди. Ҳозир ўтиб кетган. Икки-уч йилда чорраҳа ёки метро вагонида тўқнаш келиб ...
11 сентябр 2020
“Биз томонларгаям коронавирус инфекция етиб келди. Қишлахта ўн бешта одамда ўша касаллик бор экан”,- деди ...