Asosiy mavzular
26 iyul 2016

O‘zbek matbuoti Mustaqillik deklaratsiyasini tilga oldi!

Mustaqillik deklaratsiyasi haqida qariyb 25 yildan beri bir gap yozishdan xuddi moxovdan qo‘rqqandek hadiksirab kelayotgan o‘zbek matbuoti, aniqrog‘i, «Hurriyat» gazetasi kutilmaganda bu tarixiy hujjatni tilga olib qoldi.

Lekin uning haqiqiy ijodkorlari qolib, «mustaqilligimiz sababchisi» bo‘lgan shaxs nomi bilan bog‘liq holda tilga oldi.

«…chindan ham «O‘zbekiston Respublikasining davlat mustaqilligi asoslari to‘g‘risida»gi qonun 1991 yil 31 avgustda qabul qilingan, mamlakatimiz mustaqilligi ham o‘sha qutlug‘ sanada e'lon etilgan», deya gap boshlaydi muallif.

«Ammo bu xalqimizning, istiqlol jonkuyari bo‘lmish yurtboshimizning yurt ozodligi yo‘lidagi harakatlari o‘sha sanadan boshlangan, degan xulosani bermaydi», deya davom etiladi maqolada.

Muallif «millat erkinligi, yurt ozodligi yo‘lidagi dastlabki dadil qadamlardan biri mamlakat mustaqilligi asoslari to‘g‘risidagi qabul qilinishidan oldin, ya'ni Islom Karimov respublika rahbari etib saylangan ilk damlarda, «O‘zbek tiliga davlati tili maqomini berish haqida»gi qonunning qabul qilinishi bilan qo‘yilgani»ni aytar ekan, «aziz tengdoshlar, ukalar, singillar, e'tibor bering», deya hammaning diqqatini jalb etadi va «1990 yilning 20 iyunida – respublika hali sobiq ittifoq tarkibida ekani chog‘ida yana bir muhim qaddam tashlandi: Mustaqillik deklaratsiyasi qabul qilindi», deya g‘urur bilan yozadi.

«Xalqimiz, milliy davlatchiligimiz tarixidagi eng muhim hujjatlardan biri sanalmish … ushbu deklaratsiya istiqlolning o‘lmas tarhi, xalq xohish-irodasining amaldagi ifodasi o‘laroq maydonga keldi», deydi muallif.

Albatta, bu tarixiy hujjatning o‘zbek matbuotida ijobiy hodisa o‘laroq tilga olinishining o‘zi katta voqea. Chunki aslida O‘zbekiston tarixidagi hozircha eng demokratik parlament faoliyati davrida qabul qilingan Mustaqillik deklaratsiyasi haqida uzoq yillardan beri rasmiy matbuot bir satr ham yozmayotgandi.

Bu sana haqida muxolifatga tegishli nashrlar, erkin OAV orqali ma'lumot olish imkoniyati bor edi, xolos.

Garchi maqoladan ko‘zlangan maqsad bu tarixiy hujjatning ahamiyatini yurtboshiga bog‘lab yoshlarga yetkazish bo‘lsa-da, hali uning haqiqiy ijodkorlari bo‘lganlar, bu muhim tarixiy voqeaning guvohlari hayotki, uning qabul qilinishi bilan bog‘liq jarayonlarni yashirish imkoniyatlarini yo‘qqa chiqaradi.

Afsuski, maqola muallifi shunday muhim tarixiy hujjat qabul qilingan sana nega shu vaqtgacha e'tibordan chetda qolib kelayotgani, uning haqiqiy ijodkorlari nega bugun qahramon emas, «xalq dushmani» maqomida ekani haqida bir satr ham yozmagan.

Buning o‘rniga, «hatto dunyoning eng rivojlangan davlatlari deya tan olingan mamlakatlar ham bugun taraqqiyotning o‘zbek modelini o‘rganishga, o‘zlashtirishga intilayotgani»ni ta'kidlash bilan cheklangan.

Eltuz.com

Tag‘in o‘qing
14 dekabr 2017
Rassom Tuz aks ettirgan rasmdagi bu hayvonni bilasizmi? U qanday hayvon? Qaerlarda yashaydi? Nimadan qo‘rqadi? Kimga bo‘ysunadi? Kimlarga tashlanadi? ...
15 iyun 2019
Mana, hafta aylanib, siz bilan yana  yuzlashdik. Bu hafta ham voqealarga boy bo‘ldi. Xalq bankining Farg‘ona viloyati Yozyovon tumani ...
23 may 2024
Filial boshlig‘i Kamoliddin Abdullaev o‘ziga KIA K5 rusumli mashina sotib olib kreditni xodimlarga to‘lattirmoqda. Kadastr palatasi Qibray tuman filiali ...
19 sentyabr 2018
«Yigirma ikkita mahkum va yana shuncha voyskovoy birdaniga izo­lyator tomon chopa boshlaydilar. Voyskovoylar yo‘l bo‘yi mahkumlar­ni dubinkalari bilan savalab ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...