Asosiy mavzular
31 avgust 2016

Maktab direktorlari bankka naqd pul qo‘yishga majburlanyapti

Farg‘ona viloyatining Uchko‘prik tumanida O‘zbekiston mustaqilligining 25 yilligi munosabati bilan pensionerlarga pensiya pullarini berish uchun maktab direktorlariga “Agrobank»ka 100 ming so‘mdan omonat mablag‘i qo‘yish talab etilmoqda.

  • Tuman xalq ta'limi bo‘limi mudiri dastlab bizga “Agrobank»ka borib, keksa, boquvchisini yo‘qotgan, nogironlarni tuman hokimi nomidan tabriklash uchun 100 ming so‘mdan plastik kartadan bo‘lsa ham pul to‘lab kelishga buyruq berdi, – dedi maktab direktorlaridan biri. – Bankka kelsak, u yerdagilar tumanda naqd pul yo‘qligi sababli pensionerlarga pensiya pullarini vaqtida berish maqsadida tuman hokimi shunday qaror chiqarganini aytishdi. Faqat qandaydir hisob raqamiga plastik orqali emas, balki 100 ming so‘m naqd to‘layotgan odam o‘z nomiga omonat mablag‘i ochar ekan. Pensionerlar pensiya pulini olib bo‘lgach, omonatlarimiz qaytarib berilar ekan. Maktab rahbari bo‘lsak-da, bizda ham naqd pul yo‘q. Plastigimizdagi mablag‘larni hozirgi kunda ba'zi “ishbilarmon”, “hojatbaror” lar 18 foiz ustama evaziga naqdlashtirib bermoqda.

«Eltuz» muxbiri bank xodimi bilan gaplashganida u bu haqdagi ma'lumotni tasdiqladi. Bu holat qachongacha davom etadi, degan savolga xodim yelka qisishdan nariga o‘ta olmadi.

«Eltuz» muxbiri bu holat viloyatning barcha tumanlariga taalluqlimi yoki faqat Uchko‘prik tumanida kuzatilyaptimi, degan savolga javob topish uchun “Agrobank»ning viloyatdagi filiallari bilan bog‘lanishga harakat qildi. Ammo bankning na viloyat filiali, na Oltiariq va Qo‘qon filiallaridagi telefonlarga qilingan qo‘ng‘iroqlarga hech kim javob bermadi.

Nasima Davron qizi

Eltuz.com

Tag‘in o‘qing
5 sentyabr 2018
Rustam Inoyatov oilasi Rossiyaning Tula viloyatida 5,3 mlrd rubllik ($80 mln. dollar) parranda yetishtiruvchi sanoatga egalik qiladi. Ular, shuningdek, ...
25 yanvar 2016
Qamoqxona boshlig‘i o‘rinbosari poraxo‘r bo‘lib chiqdi “Huquq” gazetasining yozishicha, Navoiy viloyatidagi jazoni ijro etish muassasasi boshlig‘ining umumiy masalalar bo‘yicha ...
10 iyun 2021
Bir-biridan mustaqil manbalarning “Eltuz”ga bildirishicha, O‘zbekiston xalq ta'limidagi korruptsiyaning eng ochiq va ayovsiz ko‘rinishi chekka tumanlarda emas, xalq ta'limi ...
3 iyul 2016
Turkiya aeroportida 28 iyun kechasi uyushtirilgan bombali hujum paytida halok bo‘lgan namanganlik Abrorjon Ustaboev va toshkentlik Muxiddinov Samad Murodovichlar ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...