Asosiy mavzular
17 noyabr 2016

«Jurnalistning tayanch nuqtasi»ni hukumat marhamatidan izlash kerakmi?

«Hurriyat» gazetasida (16.11) «Talaba-jurnalistga maktublar» ruknida chop etilgan maqolada muallif bo‘lajak hamkasblariga «Jurnalistning tayanch nuqtasi»ni topib berishga urinadi.

U dastlab mustaqillik yillaridagi o‘zbek jurnalistikasiga murojaat etadi. O‘sha paytda «bir nashr jurnalistika hukumatga oppozitsiyada bo‘lishi kerak, deya o‘z faoliyatini shu g‘oyaga moslagan»i, birov xalqaro jurnalistika printsiplariga tayanishini bildirsa, «o‘zini chin demokrat-jurnalist hisoblaydigan boshqa bir hamkasbi «Xalq manfaati – mening jurnalistik pozitsiyamni belgilaydi», deb aytganini eslaydi.

«Ularning har biri o‘zicha haq», deya xulosa qiladi muallif. So‘ng u dunyo jurnalistikasi haqida mulohaza bildirishga o‘tib, AQSh jurnalistlari o‘zlarini yurtning «sodiq itlari» deb hisoblashini ta'kidlaydi.

«Amerikaning milliy manfaati degan g‘oya ulardagi barcha qadriyatlarning asosida turadigandek, nazarimda», deydi muallif va nima uchun O‘zbekistonning o‘z milliy manfaatlari bo‘lmasligi kerak, degan savolni o‘rtaga tashlaydi.

Gapni cho‘zib o‘tirmay, darhol ayta qolamiz: maqolada «Milliy manfaat hukumat manfaati bilan ayni bir xilmi?», «Nega bugungi o‘zbek jurnalistikasi faqat ura-urayu madhiyabozlikdan nariga o‘ta olmayapti?» kabi savollarga javob yo‘q.

Bu savollarga javob berish o‘rniga muallif «Milliy istiqlol g‘oyasi» fani atrofida biroz aylanadi va marhum prezident Islom Karimovning jurnalistlarga bayram tabrigidagi pand-nasihat so‘zlarni keltiradi.

Xalqaro maydonda I.Karimov har doim «matbuot dushmani» sifatida ko‘rilgani, O‘zbekiston esa matbuoti eng jilovlangan mamlakatlardan biri o‘laroq tilga olib kelinishi ham uni mana shu shaxsning faqat qog‘ozda qolib ketgan so‘zlariga murojaat etishdan qaytara olmagan.

Maqoladagi fikrlar muallif bo‘lajak hamkasblariga haqiqiy jurnalistika qanday bo‘lishini o‘rgatishni emas, balki ularga «jurnalistikaning tayanch nuqtasini hukumatning marhamatidan izlash kerak», degan g‘oyani singdirishni maqsad qilgandek taassurot qoldiradi.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
12 iyun 2017
O‘zbekiston prezidenti Shavkat Mirziyoev, aftidan, tozalikni juda yaxshi ko‘radi. Uning qaerga borishi ma'lum bo‘lsa, o‘sha joy ulkan obodonlashtirish maskaniga aylanishi, ...
25 may 2020
Gulnora Karimovaning qizi va o‘g‘li o‘zbek tadbirkorlarini «amneziya» (unutish kasalligi)ga chalinganlikda ayblashdi. So‘nggi ikki haftada turli yillarda Gulnora Karimova ...
29 noyabr 2021
Shvetsiya bosh vaziri o‘z mamlakatida xizmat mashinasiga ega yagona siyosatchi. Qolgan mulozimlar ishga o‘z mashinasi, velosipedi yoki tramvayda boradi. ...
17 noyabr 2016
«Hurriyat» gazetasida (16.11) «Talaba-jurnalistga maktublar» ruknida chop etilgan maqolada muallif bo‘lajak hamkasblariga «Jurnalistning tayanch nuqtasi»ni topib berishga urinadi. U ...
Bloglar
18 yanvar 2022
Tarmoqda ikki toifa mullalar bir-biri bilan qirpichoq bo‘lmoqda. 1-toifa: Hukumat va DXX yo‘rig‘ida yurib chiziqdan ...
16 yanvar 2022
O‘zbekistondagi har bir mulozimning ichida bitta shoir, har bir shoirning ichida bitta mulozim yashaydi. Bu ...
10 yanvar 2022
O‘zini bir guruh faollar deb tanishtirgan guruh Eltuz telegram kanaliga yozib, quyidagi murojaatni chop qilishni ...