Asosiy mavzular
28 noyabr 2016

Virtual qabulxonani maqtash avjida

Internetda bosh vazirning virtual qabulxonasiga oid latifanamo gap-so‘zlar ko‘payib borayotgan bir paytda mahalliy matbuot uni ko‘klarga ko‘tarishda davom etyapti.

Xususan, «XXI asr» gazetasida (24.11) shu mavzuda «Adolat inson qadrini ulug‘laydi deyishmoqda o‘z muammolariga yechim topayotgan fuqarolar» sarlavhali maqola e'lon qilindi. Undan O‘zLiDePda ochilgan bosh vazirning virtual qabulxonasiga murojaat etganlarning minnatdorlik so‘zlari o‘rin olgan.

Muammosiga yechim topganlardan biri sirdaryolik 90 yoshli Kamol bobo. Bobo o‘ziga shu paytgacha armon bo‘lib kelayotgan tikuv sexi faoliyatini yo‘lga qo‘yish uchun virtual qabulxonaga murojaat qilgan.

«Bir paytlar kichik sex qurish uchun ham Moskvadan ruxsat kutar edik», deb sovet davridan yozg‘irgan Kamol bobo ishi bitganidan xursand bo‘lib, «El dardini tushunadigan, og‘irini yengil qiladigan rahbarlarning boshi omon bo‘lsin», deb duo qilishni ham unutmagan.

Ammo maqolada 25 yillik mustaqillik davrida, hozirgidan ancha yosh bo‘lgan paytlarida boboga tikuv sexi ochishga nima to‘sqinlik qilgani masalasi ochib berilmagan. Aslida bu O‘zbekistonda bitta sex ochish uchun ham bosh vazirning yordami kerak bo‘lar ekan-da, degan haqli shubhaga sabab bo‘ladi, shunday emasmi?

Agar boboy kichikkina ish boshlash uchun ham bosh vazirning yordamiga muhtoj bo‘lgan ekan, unda «O‘zbekistonda biznes uchun, tadbirkorlik uchun barcha imkoniyatlar mavjud», deb og‘iz ko‘pirtirayotganlarning gaplari yolg‘on ekan-da!?

Mohiyatan, maqolada keltirilgan raqamlar fuqarolar O‘zLiDePda ochilgan bosh vazirning virtual qabulxonasiga unchalik ham ishonch bilan qaramayotganini ko‘rsatadi. Mana, quyidagi raqamlarni solishtirib, o‘zingiz xulosa chiqaring.

Hozir bosh vazirning virual qabulxonasiga qilingan murojaatlar soni 200 mingdan oshib ketgan. Ammo O‘zLiDePdagi virtual qabulxonaga qilingan murojaatlar soni juda kam. Masalan, shu paytgacha O‘zLiDePning bu qabulxonasiga Sirdaryo viloyatidan 350 dan ziyod, Xorazm viloyatidan 300 ga yaqin, Buxoro viloyatidan qariyb 270 ta murojaat bo‘lgan.

200 ming qaerda-yu, 300 ta qaerda?!

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
23 mart 2016
“Xalq so‘zi” gazetasi “Jahon” axborot agentligiga asoslanib O‘zbekiston prezidentining 2015 yil yakunlariga bag‘ishlangan mashvaratdagi ma'ruzasi Buyuk Britaniya ekspertlar hamjamiyatida ...
19 oktyabr 2017
18 oktyabr kuni Toshkentda o‘tgan Yevropada havfsizlik va hamkorlik tashkiloti (YeHHT) anjumanida jurnalist Bobomurod Abdullaev taqdiriga oid barcha savollar ...
3 dekabr 2018
O‘zbekistonda internet tezligi 1 dekabrdan boshlab o‘n barobar oshilishi haqida va'da berilgan edi. 30 noyabr kuni «O‘zbektelekom» AK xalqaro ...
9 iyul 2018
Kattaqo‘rg‘onda militsiya kapitanining ayol kishini qip yalong‘och qilgan holda tahqirlagani o‘zbek jamiyatida juda katta shov-shuvga sabab bo‘ldi. Karimberdi To‘ramurod ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...