Asosiy mavzular
15 may 2019

Mahmud Rajab diniy ekstremizm kontrabandasida gumonlanmoqda

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi «Eltuz»da chop etilgan “Tintuv qilingan Mahmud Rajabning uyidan “Payg‘ambarlar tarixi” kitobi olib ketildi” maqolaga 14 may kuni rasmiy munosabat bildirdi.

Rasmiy bildirishga ko‘ra, 2019 yilning 30 aprel kuni “Toshkent-Aero”ixtisoslashtirilgan bojxona kompleksi tomonidan jurnalist Mahmud Rajabga nisbatan O‘zbekiston Respublikasi Jinoyat kodeksining 246-moddasi 1-qismi (diniy ekstremizm, ayirmachilik va fundamentalizmni targ‘ib qiluvchi materiallar kontrabandasi) bilan jinoyat ishi qo‘zg‘atilgan. Bu moddalarda 5-10 yil qamoq jazosi ko‘zlangan.

Jinoyat ishiga 2019 yilning 26 mart kuni “Toshkent” aeroportida ko‘zdan kechirilgan Mahmud Rajabning qora rangli sumkasidan chiqqan 26 dona kitob, bir dona “Mi 5+” rusumli uyali telefon apparati va undagi yozuvlar sabab bo‘lgan, deya bildiriladi IIV saytida.

O‘zbekiston Respublikasi Bosh prokuraturasining 2019 yil 8 maydagi ko‘rsatmasiga asosan jinoyat ishi bo‘yicha dastlabki tergovni o‘tkazish Xorazm viloyati IIB huzuridagi Tergov boshqarmasiga yuklatilgan.

2019 yil 10 mayda Mahmud Rajabning uyidagi tintuv tergov harakati haqida yozarkan, IIV tergov departameti tomonidan uning «tuman IIB xodimlari, xolislar, shuningdek, “Shang‘i” mahalla fuqarolari yig‘ini faollari ishtirokida» o‘tkazilganini yozadi.

Tintuvdan keyin, 13 may kuni Mahmud Rajab kasalxonaga yotqizilgan edi.

Rasmiy ma'lumotda bildirilishicha, tintuv davomida «M.Radjapovning xonadonidan uyali telefon, noutbuk, disklar, Turkiya davlatida chop qilingan diniy mazmundagi 3 dona (shu jumladan, «Payg‘ambarlar tarixi») kitob va boshqa hujjatlar o‘rganish uchun olingan. Tintuv yakunida gumon qilinuvchi M.Radjapov bayonnomaga imzo chekishdan bosh tortgan, bu haqda tintuv bayonnomasida ko‘rsatib o‘tilgan».

Rasmiy bildirishda tintuvda olingan ashyolar yuzasidan tegishli (dinshunoslik, sud-siyosatshunoslik-lingvistik, kompyuter-texnik) ekspertizalar tayinlangan.

Mahmud Rajabni yaqindan taniydigan O‘zbekiston-Germaniya inson huquqlari forumi (UGF) direktori Umida Niyozova uning halol va to‘g‘ri inson ekaniga kafil bo‘lishini «Eltuz»ga bildirdi.

«Uning ekstremizmga hech bir aloqasi bo‘lishi mumkin emas. O‘zbek hukumati yaqinda ayrim mustaqil veb-saytlardan to‘siqlarni bekor qildi, biroq, aftidan, ular hali ham har qanday siyosiy yoki diniy ko‘rinishdagi tanqidlarga toqatsizligicha qolishmoqda. Mahmud Rajabovga qarshi jinoyat ishi tezlikda to‘xtatilishi lozim. O‘zbek hukumatiga o‘z shaxsiy fikrlarini bildirish tahdid emasligi, balki ochiq jamiyatning normal va zarur jihati ekanini e'tirof etish vaqti keldi. Jurnalist sifatida Rajabov har qanday, ayniqsa, Internetda ochiq bo‘lgan axborotlar bilan tanishish huquqiga ega», dedi Niyozova.

Xorazmlik 56 yashar jurnalist va shoir Mahmud Rajab «Ma'rifat» gazetasi muxbiri bo‘lib ishlaydi.

Eltuz.com

Tag‘in o‘qing
8 avgust 2016
«Hurriyat» gazetasida (03.08.16) chop etilgan «Jamiyatni halokatdan qutqaruvchi kuch» sarlavhali maqolada Chor Rossiyasi va sho‘rolar davrida xalqimizning ma'naviy boyliklarini ...
10 may 2021
Olmaliq shahrida soliqchilar yoymachilik ortidan tirikchilik o‘tkazayotgan ayollarni sudra-sudra qilgani ortidan ko‘tarilgan shov-shuvdan so‘ng voqea ishtirokchilari Davlat soliq qo‘mitasining ...
20 iyun 2016
Qirg‘iz matbuotining bildirishicha, 18 iyun kuni militsiyaga murojaat qilgan jalolobodlik ayol, qishloq masjidi imomining o‘z o‘g‘lini zo‘rlagani haqida ariza ...
30 avgust 2022
Muhammad Solih bilan kechgan suhbatning 5-qismi do‘stlik va nonko‘rlik haqida. «Men hayron qolardim: dunyoda yomonroq ishlar bor. Qotillik bor, ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...