Asosiy mavzular
4 iyul 2018

Pulli shou uchun Registon devor bilan to‘sildi

Samarqanddagi Registon maydonida pulli 3D shouni «begonalar»dan to‘sish uchun o‘rnatilgan devor ijtimoiy tarmoqdagi o‘zbeklar g‘azabini keltirdi. Kirish chiptalari mahalliy xalq uchun 2500, sayyohlar uchun 14000-16000 so‘mdan pullanayotgani haqida tarmoqda bildirildi.

Bu gaplar nihoyat, aniqrog‘i, 3 iyul kuni Samarqand viloyati hokimi qulog‘iga yetib borgani haqida yozishdi.

«Hozirgina ajoyib xabar oldim. Viloyat hokimi «Toshshaharnur»ning o‘zboshimchaligidan g‘azabda va yaqin orada Registonda qurilgan sharmandali to‘siqlarni olib tashlasharkan», deya yozdi samarqandlik yuzer Fotima Orifjonova.

Sharmandali devorning qulatilishi haqidagi xabarni samarqandliklar «Ura!» sadolari ostida qarshilashdi.

Asnoda Hamza teatrida takror va takror qo‘yilgan «Oltin devor» spektakli eslandi. Go‘yoki devor qulatilsa, uning tagiga yashirilgan oltinlar xalqqa qaytariladi yoki oltinni cho‘ntakka urgan korruptsionerlar jazolanadi.

Faqat Samarqandda «tarixiy devor» qurilganidan, buning ustiga, uning «Toshshaharnur» unitar korxonasi homiyligida barpo etilganidan viloyat hokimining bexabarligi ayrimlarni taajjublantirdi.

«Bu qanchalik to‘g‘ri xabar», «Hokim shaharda emasmidi», «U qaytib kelib devorni ko‘rdimi», deya yozishdi skeptik yuzerlar.

Uzoq va yaqin tarixda shahar xalqini dushmandan himoya qilish uchun devorlar qurilgan.

Masalan, shularning eng kattasi va qadimiysi Xitoy devori. So‘nggisi esa 1961 yili SSSR qurgan va 1989 yili qulatilgan Berlin devori.

Berlin devori ham shaharni chet kishilardan to‘sish uchun qurilgandi. O‘zbekistonning Samarqand shahri Registonida 2018 yilning iyulida qurilgan devor esa, aksincha, shahar maydonini shaharliklardan to‘sib, puldor chet kishilarga ko‘z-ko‘z qilish uchun qurildi.

Rassom Kirpi
Eltuz.com

Tag‘in o‘qing
15 oktyabr 2020
O‘nta roman yozay, ellikta she'riy to‘plamim nashr etilsin, yozganlarim dunyoning barcha yirik tillariga tarjima qilinsin, million nusxada kitob bo‘lsin, ...
23 oktyabr 2015
Akmal Nabiev Eltuz.com Bir yil avval yozgan ekanman… U paytlar do‘stlarimiz yozgan maqolalarga munosabat bildirib turardim, albatta samimiy, chin ...
13 iyun 2023
Yunonlarning Markaziy Osiyoga surgun qilinishining so‘nggi bosqichi Stalin tomonidan 1949 yil 13 iyunga o‘tar kechasi amalga oshirildi. Bir kechada ...
13 oktyabr 2020
3 oktyabrda Navoiy viloyatining Qiziltepa tumani “Yangi hayot” mahallasi hududida joylashgan fermer xo‘jaligi rahbari J.N. ishchisi S.Sh.ni sazoyi qilib, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...