Kundalik
3 avgust 2018

Tekin sho‘rvaning go‘shti bemaza

Bir paytlar neftbazadan benzin, solyarka olib chiqib sotar edik. Yashirincha olib chiqar edik, ishchilariga pul bersak, hech kim yo‘qligida olib chiqib berishardi.

Bir kun kechki payt benzin olish uchun neftbazaning orqa darvozasi yonida kutib tursam, bir bola ham yonimda turib oldi. U odamdan qo‘rqib ishchilar benzinni olib chiqib menga bera olishmayapti, men ham kutaverib charchadim.

Keyin haligi boladan nega bu yerda turganini so‘rasam, shamchiroqqa yoqilg‘i istab kelgan ekan. Tezroq boladan qutulib, benzinni olib chiqish uchun uydan besh litrcha solyarkani idishiga quyib berdim, pul bermoqchi bo‘lgandi olmadim, duo qilib ketdi.

Uch-to‘rt kundan keyin yana o‘sha ahvol, o‘sha bola darvoza oldida turardi, yana solyarka kerak bo‘lib qolibdi, bu safar ham uydan to‘ldirib berdim, rahmat aytib ketdi.

Keyin esa kunda-kun ora kelishga o‘rganib oldi, xuddi qonuniy haqqini undirgani kelgandek. Oxiri bezor bo‘ldim, solyarkaga ozgina benzin aralashtirib berib yubordim. Ertasiga mendan kelib so‘rayapti:

– Kecha menga nima balo quyib bergandingiz? Uyga borib shamchiroqqa yog‘ quyib shunday gugurt chaqqandim «lop» etib olov chiqib butun uyimiz yorishib ketdi.

Shunda e'tibor beribman bolaning qoshi kuyib, o‘rni sho‘r bosgan shudgorga o‘xshab qolgan ekan.

Akmal Nabiev,
Eltuz.com, 30 Oktyabr, 2015 yil

Tag‘in o‘qing
4 fevral 2020
Prezident Mirziyoev 31 yanvar kuni Davlat geologiya va mineral resurslar qo‘mitasida o‘tgan uchrashuvda «bir kichkina bojxona posti rahbari»ning uyidan ...
6 dekabr 2018
2018 yilning 4 dekabr kuni Toshkent shahri sudida bo‘lib o‘tgan apellyatsiya mahkamasida ayblanuvchi Shahnoza Boyqunusova mahkamaga O‘zbekiston ichki ishlar ...
24 oktyabr 2016
O‘zbekistondagi siyosiy partiyalar 4 dekabr kuni bo‘lib o‘tadigan prezident sayloviga o‘z nomzodlarini ko‘rsatib bo‘ldi. Eng so‘nggida muvaqqat prezident va ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. Shu payt mening orqamdan ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...