Asosiy mavzular
17 aprel 2019

Prezidentni tanqid nishoniga aylantirgan farmon

Prezident Shavkat Mirziyoevning mahalliy muqobillari mavjud import dorilarning davlat xaridlarini taqiqlash to‘g‘risidagi yaqinda qabul qilgan farmoni ijtimoiy tarmoqlarda noroziliklarga sabab bo‘ldi.

Prezidentning “2019-2021 yillarda respublikaning farmatsevtika tarmog‘ini yanada jadal rivojlantirish to‘g‘risida”gi farmonida bunday taqiq bir yarim yil muddatga belgilangan.

Farmondan maqsad import dorilarga qaramlikni bartaraf etish va mahalliy mahsulotlar turlarini ko‘paytirishdir. Shu bilan birga, hujjat ilgari mamlakatda ishlab chiqarilmagan dorilarni tayyorlashni rag‘batlantirishga ham xizmat qilishi ko‘zda tutilgan.

Garchi ezgu niyatlarda chiqarilgani aytilayotgan bo‘lsa-da, bu farmon ijtimoiy tarmoqlarda salbiy qarshi olindi va prezidentning o‘zini tanqid nishoniga aylantirdi.

Xususan, Clara Askarova: “Hatto mamlakat prezidenti ham insonni tanlov huquqidan mahrum qilishga haqli emas. Avvalo, mamlakat farmatsevtika sanoatini xalqaro ishlab chiqaruvchilar darajasiga chiqarish kerak. Import yoki boshqa dorilarni mahalliy muqobillari bo‘lsa ham qanday taqiqlash mumkin? Mahalliy muqobillari foyda bermaydi-ku”, deb yozdi.

Anna Dolukhanyan esa: “Afsuski, u o‘z qarindoshlarini xorijda davolatadi, shuning uchun o‘ziga taalluqli bo‘lmagan farmonni imzoladi”, deya yozg‘irdi.

Anatoliy Saidov “shifokorlar uni (ya'ni prezidentni- tahririyat) faqat o‘zbek dorilari bilan davolashini” tilagan bo‘lsa, Sh Samar prezident bu farmoni bilan “aholi sonini radikal qisqartirishga qaror qilgani”ni ta'kidladi.

Oybek Uzbek ismli foydalanuvchi esa yanada qat'iylashdi: “Bizga bunday prezident nega kerak? Odamlarni sog‘lig‘idan ayirish… Hatto dushmanning ham xayoliga bunday ish kelmaydi… Keraksiz qurilishlarga pul bor, kerakli narsalarga esa yo‘q. Uning kerakli narsalarga nega pul yo‘qligini tushunib yetish vaqti kelgandir. Chunki pul keraksiz narsalarga sarflanmoqda…”.

“Bundan ahmoqonaroq qonunni hali o‘ylab topishmagan. Vrachlarning o‘zi faqat import dorilarni yozib berishadi. Malakali shifokorlarni topish bir muammo, endi sifatli dori ham bo‘lmaydimi”, deb yozdi Nafisa Nuriahmetova.

Elena Krasnopolskaya “xalq o‘zbek dorilari sinab ko‘riladigan sinov kalamushlari emas”ligini bildirdi. Uning fikricha: “Avval normal dorilar ishlab chiqarishni o‘rganish kerak. Xorijda tegishli sinovdan o‘tganidan so‘ng ularni qo‘llab-quvvatlasa bo‘ladi”.

“Axir garovga avlodlar sog‘lig‘i va inson hayoti tikilgan-ku”, deya norozilik bildirgan u.

Nailya Sadrieva “siyosatga qiziqish vaqti yetdi”, deb o‘ylay boshlaganini bildirgan.

“Qaysi partiya yetakchilik qilyapti? Nega u xalqqa qarshi qonunlar qabul qilyapti?… Hamma narsani o‘zgartirish kerak”, degan to‘xtamga kelgan bu foydalanuvchi.

Sardor Azim
Eltuz.com

Tag‘in o‘qing
16 dekabr 2019
O‘zbekiston Ekologik partiyasi rahbari Boriy Alixonov Chernobil halokatiga sabab bo‘lgan atom reaktori bilan O‘zbekistonda qurilajak reaktorni “Moskvich” va “Lasetti” ...
14 aprel 2017
Samarqanddagi mobil muxbirlar, Oqilovning uyi surati, videosi va uning yaqinlari haqidagi maqolani e'lon qildi. Oqilov yashagan mahalladagilar, nashr muxbiriga ...
31 avgust 2020
Hozirgi yoshlar orasida “kalta paypoq” kiyganlar ko‘p yoki ozligini bilmayman. Lekin hozirga kelib aksari (hammasi emas) yoshlar uylanish jarayonida ...
3 sentyabr 2017
Pahlavon Sodiq 1973 yilda Namangan viloyatining Chortoq shahrida tug‘ilgan. Toshkent va Turkiyada jurnalistikadan tahsil olgan. «Ruhiyat nasimi» (1994) she'riy ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...