Asosiy mavzular
29 yanvar 2020

Xitoyning Uxan shahridagi 30 o‘zbek talaba karantin bois O‘zbekistonga qayta olmayapti

Bosh vazir Abdulla Aripov 28 yanvar kuni koronavirus xatari bo‘yicha yig‘ilish o‘tkazdi. Har bir idora va tashkilotlar, shu jumladan, Sog‘liqni saqlash vazirligi, Tashqi ishlar vazirligi, Chegara qo‘shinlariga topshiriqlar berildi.

Ammo “Eltuz” suhbatlashgan vrachlarga ko‘ra, O‘zbekistonda koronavirusni aniqlaydigan proba uskunalari mavjud emas.

Ayni paytda bu xatarli virus Xitoy Xalq Respublikasidan boshqa hududlarga ham yoyila boshladi.

29 yanvar kuni Yaqin Sharqda ilk bora koronavirusga chalingan xasta qayd qilindi. BAA Sog‘liqni saqlash vazirligi xabariga ko‘ra, Xitoy Xalq Respublikasining Uxan shahrida qarindoshlari bo‘lgan oila a'zosi koronavirusga chalingan.

Shuningdek, Gonkong, Makao, Tayvan, Avstraliya, Vetnam, Kanada, Malayziya, Nepal, Singapur, AQSh, Tailand, Frantsiya, Janubiy Koreya va Yaponiyada ham koronavirusga chalinganlar aniqlandi.

29 yanvarga kelib, koronavirusning 2019-nCoV shaklini yuqtirganlar soni dunyoda 6000 kishidan oshdi. Bu kasaldan o‘lganlar soni, 29 yanvar kungi ma'lumotga ko‘ra, 132 kishini tashkil qilgan va ularning hammasi XXR turg‘unlari.

Germaniyada ham Xitoy virusiga uch kishi chalingani ma'lum bo‘ldi. Ulardan biri – Germaniyaning Myunxen shahrida yashovchi 32 yashar nemis Shanxaydan kelgan tanishi bilan ko‘rishgan chog‘ida kasal yuqtiribdi. Hozir uni karantin boksga olishgan.

Mayli, Germaniya epini qiladi. Mabodo Xitoyning Uxan shahridagi 30 nafar o‘zbekistonlik talaba yurtga qaytilsa va ular orasida kasallar bo‘lsa, buning oqibatini O‘zbekiston tibbiyoti eplay oladimi? Xitoy virusi inkubatsiya muddati ikki hafta.

Hozirgacha fanga noma'lum bo‘lgan koronavirus shamollash va yo‘tal simptomlarini o‘z ichiga olgan o‘tkir nafas yo‘li infektsiyasini keltirib chiqaradi.

Virusdan muolaja usuli yoki emlash vositasi hozircha mavjud emas.

Eltuz.com

Tag‘in o‘qing
4 mart 2016
Pul evaziga oyoq to‘pi o‘yinini spektaklga aylantirgan kelishilgan o‘yinlar qiroli Camvel Babayanni rassom Elsevar hajv qildi. Rassom Elsevar Eltuz.com
4 avgust 2017
Karikaturachi rassomlar dam olishda davom etarkan, Eltuz boti e'tiboringizga O‘zbekistonda bugun dolzarb eng eski karikaturani taqdim etadi. 2015 yilning ...
15 mart 2016
Anqarada yuz bergan portlash ko‘p qatori mening ham yuragimni ezdi. Turklar va Turkiya uchun kamsitish bo‘lgan yuz yil burungi ...
23 oktyabr 2015
Ulug‘bek Ashur, Eltuz.com Shu yilning 4 sentyabr kuni Jizzax viloyatining Paxtakor tumanida yashovchi 33 yoshli Aramais Avakyanning xonadoniga noxush ...
Bloglar
2 iyul 2020
6-sinfda o‘qirdim, Kampuchiyada davlat to‘ntarishi bo‘lib hukumatga Pol Pot rahbarligidagi “Qizil kxmerlar” kelganini, ular butun ...
25 iyun 2020
​​Xalqaro press-klubda matbuot anjumani bo‘lib o‘tibdi, unda Inson huquqlari bo‘yicha Milliy markaz direktori Akmal Saidov ...
21 iyun 2020
(bo‘lgan voqea) Tarjimon sifatida Rossiyaning militsiya bo‘limlaridan biriga chaqirishgan edi. Bo‘limda jinoyatchi sifatida gumon qilingan ...