Asosiy mavzular
8 avgust 2020

O‘zbek shoirasi Xosiyat Rustamovaning kitobi Londonda chop qilindi

Britaniyaning Hertfordshire Press nashriyoti keng o‘quvchilar e'tiboriga o‘zbek shoirasi Xosiyat Rustamovaning “Rangin ko‘zyoshlar” deb nomlangan she'riy to‘plamini taqdim etdi. Kitob taqdimoti Madridda bo‘lib o‘tadigan «Open Eurasia and Central Asia Book Forum and Literature Festival 2020» 9-adabiy festivali doirasida o‘tkaziladi.

Xosiyat Rustamova 1971 yil 19 martda Namangan viloyatining Olmos qishlog‘ida tug‘ilgan. Ko‘plab she'rlari hamda she'riy kitoblari rus, ozar, tojik, ingliz, nemis, shved, golland, vetnam, frantsuz, ispan, italyan, turk, qozoq singari ko‘plab tillarga tarjima qilinib, kitob holida chop etilgan.

Jumladan, 2006 yil Turkiyada « Yarınsız günler” (“Ertasi yo‘q kunlar”), 2008 yil Ozarbayjonda “Qorxunç” (“Qo‘rkinch”), 2020 yil Qozog‘istonda «Sevgi anatomiyasi» kitoblari chop etilgan. Yakinda «Chiều cao của gió» (“Shamolning balandligi”) nomli kitobi Vetnamda, «İki güneş” (“Ikki quyosh”) nomli kitobi Turkiyada chop etildi. 2015 yilda Ozarboyjonning Mikoil Mushfiq nomidagi xalqaro mukofotini qo‘lga kiritgan. 2018 yilda OEBF festivali doirasida Open Eurasia 2018 tanlovining she'riyat yo‘nalishi bo‘yicha g‘olib deya e'tirof etilgan. Ozarboyjon Yozuvchilar uyushmasi a'zosi.

***

Bo‘ldi, qaytarmayman savollarimni
Bilaman, bariga javob berasan.
Boshi ochiqmikan xayollarimning,
Nega qo‘rqmay kirib kelaverasan?

* * *

Boryapman…
Nishonga tegmagan o‘qday,
Kaftimda dunyo bor – go‘yo bir siqim.
Shuncha olomonning ichidan qo‘rqmay,
Yuragimni baland ko‘tarib chiqdim.

Nima ham ko‘ribman qirq yil ichida,
Yashab ham bo‘ldimmi? O, naqadar oz
Ont ichishim mumkin. Bari behuda —
Faqat muhabbatim muhabbat, xolos!

* * *

O‘zimni pishirdim olovlaringda,
Juda uzoq yillar… Sekin… Shoshmadim.
Muzaffar ruhimning bejon tanimdan
Kuygan joylarini olib tashladim.

Bir kun kelib qolsam cening yodingga,
Kechir, tanimasang, ko‘rib chiroyim,
Shuncha kutib-kutib cening oldingga —
Tirik borolmasam, Xudoyim.

Eltuz.com

Tag‘in o‘qing
24 avgust 2018
Shvetsiyaning Telia transmilliy kommunikatsiya kompaniyasi sobiq boshqaruvchilari O‘zbekistonning marhum prezidenti Islom Karimovning qizi Gulnoraning kasofatidan sud oldida javob berishga ...
27 sentyabr 2016
“San'atimiz qiroli Sherali Jo‘raev, O‘zbekiston Xalq artisti Yulduzxonim Usmonova, O‘zbekistonda xizmat ko‘rsatgan artist, do‘stimiz Obidjon Asomovlar yana katta sahnalarimizga ...
21 iyun 2019
Xushxabardan boshlasam gapimni. Rossiyalik oligarx Usmonov Toshkentdagi maktab devorini oqlab beradigan bo‘ldi. Mallades, brat. Ashnaqa bo‘sin! Xonqa don kombinati ...
12 fevral 2016
“Zamondosh” sayti muharriri bo‘lgan Rizo Obidning kallasi ishlab qoldi. Boshi borib toshga tekkanidan so‘ng ishlab ketdi shekilli. Galima Buxarbaeva ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...