Document UZ
11 mart 2020

Faollar Gulnoraning o‘g‘irlik pullari «aylanma yo‘llar» bilan qaytarilishidan norozilik bildirishdi

Bir guruh o‘zbek faollari 11 mart kuni Shveytsariya hukumati va mas'ul idoralariga marhum prezidentning katta qizi Gulnora Karimova o‘g‘irlagan aktivlarni O‘zbekistonga shaffof va hisobdorlik asosida qaytarishni so‘rab chaqiriq yo‘llashdi.

Faollarning tashvishli chaqirig‘iga 25 fevralda ijtimoiy tarmoqlarda paydo bo‘lgan Gulnora Karimovaning prezident Mirziyoevga yo‘llagan maktubi orqali sizgan ma'lumotlar sabab bo‘ldi.    

Gulnora Karimovaning qizi, Londonda yashayotgan Imon Instagram’dagi sahifasida e'lon qilgan maktubida Shveytsariya hukumati O‘zbekiston hukumati bilan Gulnora Karimovaning mazkur mamlakat sud organlari tomonidan 131 million AQSh dollari miqdoridagi musodara qilingan aktivlarini qaytarish masalasida muzokaralar o‘tkazayotgani haqida gapirgan.

Xatda Shveytsariya hukumati bu aktivlarni tibbiyot va ta'lim sohasidagi ijtimoiy loyihalarga berishni rejalashtirayotgani ham ta'kidlanadi.

Huquq faollari yuqorida qayd etilgan muzokaralar va Karimovaning aktivlarini qaytarish jarayoni haqida jamoatchilik Shveytsariya hukumatidan emas, balki qandaydir «aylanma yo‘llar» orqali xabar topayotganlarini bildirishgan.

«Shveytsariya bu aktivlarni O‘zbekistonga qanday yo‘llar bilan qaytarmoqchi ekanligi borasida shaffoflikning yetarli emasligi Shveytsariyaning o‘zi ishtirokida ishlab chiqilgan va 2017 yil dekabrda Vashingtonda Aktivlarni qaytarish bo‘yicha global forumda (AQBGF) qabul qilingan tamoyillarga zid keladi», deyiladi jumladan chaqiriqda.

Faollarining yozishicha, shaffoflik va mas'uliyat. O‘g‘irlik aktivlarining qaytarilishida hisobotdorlik kafolatlari to‘g‘risidagi 4-tamoyil; aktivlarning o‘g‘irlanishiga ko‘mak bergan shaxslarga ularning qaytarilishiga yo‘l qo‘ymaslik haqidagi 9-tamoyil buzilgan.

Telekommunikatsiya kompaniyalaridan ta'magirlik va pora olishda Gulnoraga sherik bo‘lgan ayrim mansabdorlar hali ham O‘zbekiston hukumatida katta lavozimlarda ishlashi va ular O‘zbekistonga qaytarilgan aktivlarni ishlatishda ishtirok etishi ehtimoli kattadir.

Shuningdek, chaqiriqda davlat boshqaruvi oliy bo‘g‘inidagi manfaatlar to‘qnashuvi, pul yuvish, daromadli shartnomalar, litsenziya va davlat nazoratidagi mulklarni noshaffof bo‘lish bilan bog‘liq qator faktlar va misollar keltiriladi.

«Shveytsariya hukumati O‘zbekiston hukumatining korruptsiyaga qarshi islohotlar o‘tkazilishi to‘g‘risidagi og‘zaki va'dalariga umuman ishonmasligi kerak. Bu hukumatning va'da berishi oson, hatto u keyinchilik bajarishni «esdan chiqarib qo‘yadigan» progressiv qonunlarni ham qabul qiladi. Masalan, 2019 yilda ikki yilga mo‘ljallangan aktikorruptsion islohotlar dasturi qabul qilingan edi. Ammo oradan qariyb bir yil o‘tsa hamki, uni amalda bajarish alomatlari ko‘rinmaydi.

Bu esa so‘z va ish birligi yo‘qligiga yana bir dalildir. Shuning uchun Shveytsariya va aktivlarni saqlab turgan boshqa mamlakatlar O‘zbekistonning og‘zaki va'dalari va yozma majburiyatlariga emas, balki, birinchi navbatda, amaliy ishlariga e'tibor qaratishi kerak. Shundagina aktivlarning qaytarilishi jarayoni real o‘sish va mamlakatni barqaror rivojlantirish maqsadlariga erishishga ko‘mak bo‘ladi», deya yakunlanadi o‘zbek faollarining Shveytsariya hukumatiga yo‘llagan chaqirig‘i.

Chaqiriqning to‘liq matni bilan bu yerda tanishishingiz mumkin.

Tag‘in o‘qing
1 sentyabr 2021
Islom Karimov avgustdagi putch va O‘zbekiston mustaqilligi deklaratsiyasini qabul qilganidan keyin ham SSSR tarafdori bo‘lib qolgan. Ayni ikki voqeadan ...
18 may 2017
Shahrixon tumanida yuz bergan ommaviy zaharlanish muzqaymoq biznesiga sezilarli ta'sir ko‘rsatdi. Andijon shahridagi o‘nlab muzqaymoq do‘konlarida savdo 30 % ...
22 iyun 2016
Istanbulning Baqirko‘y tumanidagi sakkizinchi og‘ir jazo mahkamasida davom etayotgan sud jarayonida qotillik tashkilotchisi deya ko‘rilgan Sobir Shukurov va qatlni ...
6 mart 2019
O‘zbekiston Bosh prokuraturasining 5 mart kuni bildirishicha, 10 yillik qamoq jazosini uyda o‘tayotgan 47 yoshli Gulnora Karimova  “jazoni o‘tash ...
Bloglar
18 yanvar 2022
Tarmoqda ikki toifa mullalar bir-biri bilan qirpichoq bo‘lmoqda. 1-toifa: Hukumat va DXX yo‘rig‘ida yurib chiziqdan ...
16 yanvar 2022
O‘zbekistondagi har bir mulozimning ichida bitta shoir, har bir shoirning ichida bitta mulozim yashaydi. Bu ...
10 yanvar 2022
O‘zini bir guruh faollar deb tanishtirgan guruh Eltuz telegram kanaliga yozib, quyidagi murojaatni chop qilishni ...