Asosiy mavzular
8 iyun 2017

Andijon avtomobil bozorida mashinalar narxi ko‘tarildi

Andijon Hususiy avtomobillar bozorida ham narxlar keskin ko‘tarilib ketdi.

GM Uzbekistan shirkati 31 may kuni mamlakat ichki bozorida avtomobillarini milliy valyuta – so‘mga sotishini e'lon qilgan edi.

Mashina narxlarining dollar kursiga nisbatan ekvivalentda belgilanishi va oshirilishi bozordagi erkin narxlarning ham o‘zgarishiga sabab bo‘ldi.

Eltuz muxbirining o‘rganishicha, Andijonda deyarli hech kim yangi narxnomada zavod bilan mashina to‘lovini amalga oshirayotgani yo‘q.

Narxlarni kuzatayotgan haridorlarning aytishicha, to‘lov so‘mda amalga oshirilgan taqdirda ham “Malibu” hamda “Kaptiva” avtomashinalari narxi ularga 3 baravar qimmatga tushadi.

Mashinafurushlarning omadi chopdi

Bozorda avtomashina ehtiyot qismlari bilan savdo qiluvchi tadbirkor H. Azizovning aytishicha, 7 mingga birov so‘ramagan “Kobalt” avtomashinasini 8 ming dollarga sotgan.

Mashina haridorlari ilgarigidek 50-100 dollar ustida talashib o‘tirmayaptilar.

«Bozorda bittayam moshina qolmadi, 5,5 ming dollarga sotilayotgan yangi “Spark”lar 6,5 – 6,700 dollar bo‘pketdi», deydi tadbirkor.

“Matiz” bozorida ham shu ahvol. 4 ming dollarga sotilayotgan “Matiz”lar 4800, 5000 dollarga sotildi. 2-3 oydan beri mashinafurushlarning qo‘lida turgan avtomashinalar bir zumda sotilib ketdi.

Andijon avtomobil bozori shahar chekkasidagi Bog‘ishamol hududida joylashgan. Bu yerda xaftaning ikki kuni – juma va yakshanba kunlari bozor bo‘ladi. Narxlar e'lon qilinganidan beri bir bozor o‘tdi.

Xaridorlarning aytishlaricha, mashinafurushlarning og‘zi qulog‘ida. Keyingi 1 yilning buyog‘ida avtomobil bozorida bunaqa “o‘t” savdo kuzatilmayotgandi.

Haridorlar esa norozi

Ko‘pchilik avtomobillar narxining oshirilishi qanday omillarga asoslangani yuzasidan hukumat va “O‘zavtosanoatdan” javob kutmoqda.

«O‘zbekistonliklar boj to‘lovlari o‘ta balandligi tufayli chet davlatdan moshina olib kelib minolmaydi, garchi, yon qo‘shni bo‘lgan davlatlarda ham avtoulov bizdagidan ancha arzon». – deydi bozordan arzonroq avtomobil izlayotgan Salohiddin Tojiev.

Uning so‘zlariga ko‘ra, aholi noilojlikdan o‘zimizda ishlab chiqarilgan avtomobillarni sotib olayotgandi, ammo endi ko‘pchilik bu imkoniyatdan ham mahrum bo‘lmoqda.

Mashina bozoridagi Habibullo ismli mashinafurush «GM Uzbekistan shirkati o‘z narxlarini bozor narxi bilan tenglashtirganini aytadi.

«Odamlarga farqi yo‘q, zavodga to‘laydimi yo bozorga. Dollar kursi esa ko‘tarilib boryapti. Mana bugun 100 dollar 840 ming so‘mga chiqdi. So‘mda sotadigan bo‘lsa, nega unda dollar narxini yozadi. Yangi narxlarni ko‘rib hamma odamlarning kayfiyatlari tushib, jig‘ibiyron bo‘lyaptida» deydi u.

Shohida Saidova
Andijonlik muallif tahallusi
Eltuz.com

Tag‘in o‘qing
22 oktyabr 2022
Shu kunlarda Lixtenshteyn Knyazligida o‘tkazilgan madaniy tadbirda, “Yuzuk e.V.“ nodavlat notijorat tashkiloti ijrochi direktori Dilbar G‘afforovaning, «O‘zbekiston tasviriy san'ati» ...
31 mart 2018
Ozarbayjonda 31 mart – «Ozarbayjonlar genotsid qilingan kun» sifatida rasman nishonlanadi. Bu fojea 1918 yili ro‘y bergan edi. Shu ...
13 yanvar 2016
Arman ombudsmani K. Andreasyan O‘zbekiston Respublikasi Oliy Majlisi Ombudsmani Ulug‘bek Muhammadievga O‘zbekistonda IShIDga aloqadorlikda ayblanayotgan armani millatiga mansub sudlanuvchi ...
13 noyabr 2018
“Bu yil fermerlarga har yilgidan ko‘ra og‘ir bo‘ldi. Ularga nisbatan zug‘um va zo‘ravonliklar ko‘lami oshsa oshdiki, aslo kamaymadi”. Bu ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...