Asosiy mavzular
14 oktyabr 2021

YeXHT missiyasi: O‘zbekistondagi prezident saylovida inson erkinliklari cheklanganicha qolmoqda

Yevropada xavfsizlik va hamkorlik tashkiloti (YeXHT)ning Demokratik institutlar va inson huquqlari bo‘yicha byurosi (DIIHB) kuzatuvchilar missiyasi 11 oktyabr kuni O‘zbekistondagi prezident sayloviga bag‘ishlangan oraliq hisobotini chop qildi.

Saylovning huquqiy asosiga doir qonun hujjatlari islohot jarayonidan o‘tayotgani, DIIHBning avvalgi tavsiyalaridan ayrimlari amaliyotga joriy etilganini urg‘ulagan YeXHT missiyasi e'tiborni bu yilgi prezident saylovida yo‘l qo‘yilayotgan kamchiliklarga qaratadi.

Hisobotda aytilishicha, DIIHBning “fundamental huquq va erkinliklarni himoya qilish, saylov huquqlarini cheklash va mustaqil nomzodlarni ko‘rsatishga taqiqlarni olib tashlash bilan bog‘liq” tavsiyalari bajarilmagan.

Missiya qariyb 21,2 million saylovchi ro‘yxatga olingan saylovda og‘ir jinoyatlar uchun qamoq jazosini o‘tayotgan mahbuslar, shuningdek, sud tomonidan, jumladan, aqliy va ruhiy sabablarga ko‘ra layoqatsiz deb topilgan fuqarolar ovoz berish huquqiga ega emasligini tanqid ostiga oladi.

DIIHBning oraliq hisobotiga ko‘ra, O‘zbekistonda prezidentlikka nomzodlar o‘rtasida raqobat yo‘q, yuzma-yuz munozara kurashi ko‘zga tashlanmaydi.

Hisobotda, shuningdek, jurnalist va blogerlarni qo‘rqitish va ta'qib qilish, OAV uchun taqiqlashga moyil qonun hujjatlari va ba'zi xalqaro OAV va inson huquqlari tashkilotlarining veb-saytlarini yopish holatlariga e'tibor qaratilgan.


O‘zbekistonda 24 oktyabrda o‘tadigan prezident sayloviga YeXHT 26 davlatdan tanlab olingan kuzatuv missiyasini 15 sentyabrda jo‘natgan edi. 

Shimoliy Amerika, Yevropa va Osiyoning 57 davlatini jamlagan YeXHT dunyoda tinchlik va demokratiyani ta'minlash uchun ish olib borayotgan yirik tashkilotdir.

Eltuz.com

Tag‘in o‘qing
13 iyun 2017
Davlat idoralari korporativ bazmlarida xonandalar xizmatidan bepul foydalanilishi haqidagi O‘zbekiston xalq artisti Ozodbek Nazarbekov shikoyati turli baxslarga sabab bo‘ldi. ...
29 aprel 2016
O‘zbek matbuotining bu jazavasiga 12 aprel kuni, “Toshkent” telekanalida START berildi. O‘sha kuni bu telekanal, kechki praym taym vaqtida, ...
1 oktyabr 2016
O‘zbekistonning bir qancha viloyat va tumanlarida, shuningdek, Qoraqalpog‘istonda bu yil 18 yoshga yetmagan bolalar paxtaga chiqarilganini eltuz.com o‘z manbalari ...
19 may 2016
«XXI asr» gazetasi O‘zbekiston prezidentining «o‘z vaqtida qabul qilingan» «Meva-sabzavot, kartoshka va poliz mahsulotlarini xarid qilish va ulardan foydalanish ...
Bloglar
20 iyul 2022
O‘zbek xalqi kimga, qaysi rejimga qaram bo‘lib kelgan ediki, endi u o‘zini ozod, erkin millat ...
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...