Catira
17 aprel 2018

O‘zbekistonda Putin tashviqotini tarqatuvchi TV kanal ochiladi

Rossiyaning “Birinchi” telekanali O‘zbekiston hukumati bilan hamkorlikda mamlakat ichkarisida alohida telekanal ochmoqchi. Bu haqda Axborot va kommunikatsiyalar vazirligi matbuot xizmati xabar berdi.

Bu masala O‘zbekiston Axborot texnologiyalari va kommunikatsiyalar vaziri Azim Ahmadxo‘jaev hamda Rossiya aloqa va ommaviy kommunikatsiyalar vaziri o‘rinbosari Aleksey Volin o‘rtasida kelishilgan.

Gap nafaqat Rossiyaning bitta kanali, balki VGTRK, «Rossiya Segodnya», «Rossiya 24» kanallari dasturlari rejissyorlarining O‘zbekiston axborot maydonida faoliyat boshlashi haqida bormoqda.

“Yuqoridagilar an'anaviy jurnalistika vakillari, oddiy OAV emas. Bular axborot urushida qatnashayotgan RF infoqo‘shinlari. Toshkent darvozalarining kalitini o‘z qo‘limiz bilan topshirib qo‘ymayapmizmi?” deya yozdi bu haqda feysbuk blogeri Sardor Salim.

Ikki davlat o‘rtasidagi kelishuvlarda bugungi kunda eng ko‘p o‘zbekistonliklar yashayotgan Rossiyada o‘zbek kanali ochish to‘g‘risida gap ham yo‘qligi bitimning biryoqlamaligini anglatadi. Biroq bu xabar O‘zbekistonni Rossiyaga qo‘sh qo‘llab tutqazish g‘oyasi tarafdorlari tegirmoniga ham suv quymoqda.

“Aytaylik, O‘zbekistonning Rossiyaga qo‘shilishidan davlat zarar ko‘rar, lekin oddiy xalq, oddiy aholiga bo‘ladigan foyda va zararni bir taroziga qo‘yib chiqsak nima deysiz? Shu mavzuni ham o‘rtaga tashlab ko‘ring”, deya yozdi Sardor Salimga javoban Salim Ustaxonov ismli feysbuk yuzeri.

Ayni paytda bu xabar shusiz ham Rossiyaning Yaqin Sharqda va Ukrainada olib borayotgan urushidan norozi ijtimoiy tarmoqdagi ayrim o‘zbekistonliklarning jiddiy xavotiriga sabab bo‘lmoqda.

“Hech kim sezmadi shekilli. Anneksiya qilingan Qrimga borishi mumkin ekan faxriylarimiz. Butun dunyo qarshi chiqayotgan baloga bosh suqish kimning xayoliga keldi ekan?”

Rassom Kirpi
Eltuz.com

Tag‘in o‘qing
5 fevral 2020
“– Begjonov, men sizga aytdim, u qizingiz ekstremist! U Amerikani maqtab, o‘zi tug‘ilib o‘sgan yurt ustidan kulgan! O‘rtancha va ...
8 noyabr 2017
8 noyabr kuni Andijon shahri rastalarida bir kilo mol go‘shti narxi 36 ming so‘mga ko‘tarildi. Andijondagi “Eski shahar” va ...
6 aprel 2020
Ijtimoiy tarmoqning o‘zbek segmentida “Otarchilar, yo‘taling”, “Ozodbek, day million” degan chellenjlarga javoban “O‘zbekkontsert” davlat muassasasi axborot xizmati bildirgi chiqardi. ...
21 aprel 2016
Toshkent rasmiylari ekologik harakat faollarining chiqishlariga pinak ham buzmay ommaviy daraxt kesish kampaniyasini davom ettirishmoqda. 19 aprel kuni o‘zbek ...
Bloglar
13 aprel 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni ...
11 aprel 2021
«From Me to You» (Mendan senga) — Lennon va Makkartni dueti ijro qilgan zarif bir ...
8 aprel 2021
2010 yil 7 aprel kuni o‘z qarorlari bilan oziq-ovqat va kommunal xizmatlar uchun narx-navoni mislsiz ...