Asosiy mavzular
18 sentyabr 2018

Yana o‘sha “Avtotest”

Hozir O‘zbekistonda haydovchilik guvohnomasiga oid har qanday jarayon to‘g‘ridan-to‘g‘ri “Avtotest” MChJga borib bog‘lanaverishiga ko‘pchilik o‘rganib qoldi.

Yaqinda ilgari haydovchilik guvohnomasi bekor qilingan haydovchilar ham qayta o‘qish va imtihon topshirishni “Avtotest”da amalga oshirishi majburiy qilib qo‘yilganini eshitib, bunga yana bir bor amin bo‘ldim.

Bir yil avval tanishim ichib mashina haydagani uchun haydovchilik guvohnomasidan ayrilganini bilardim.

Mavjud qonunchilikka ko‘ra, bundaylar qayta o‘qishi va imtihon topshirishi kerak. Lekin birorta qonun hujjatlarida ular “Avtotest”da qayta o‘qishi lozimligi belgilab qo‘yilganini ko‘rganim yo‘q.

Shunday bo‘lsa-da, tanishimning aytishicha, “Avtotest”ning sertifikati bo‘lmasa, qayta o‘qiganlik to‘g‘risidagi boshqa birorta guvohnoma o‘tmas ekan.

Ma'lum bo‘lishicha, bir haftalik qayta o‘qish uchun “Avtotest”ga eng kam ish haqining ikki barobari miqdorida haq to‘lanadi.

Bir vaqtlar “Avtotest” yuridik shaxslarga tegishli avtomobillar haydovchilarini qayta o‘qitish uchun monopolistik huquqni aynan hukumatdan olgandi.

Xususiy muassasaning hukumat qarori bilan bunday huquq olishi har doim ham kuzatilaveradigan voqea emas. Hatto O‘zbekistonda ham…

Ijtimoiy tarmoqlarda bu monopoliyaga qarshi ko‘plab tanqidlar ortidan ayrim deputatlar ham ishga kirishib, “Avtotest”ning mazkur maqomini bekor qilishga erishildi.

Ammo hamon joylarda uning monopoliyasiga soya soladigan boshqa birorta muqobil muassasa topilayotgani yo‘q.

Aksincha, haydovchilik guvohnomasi bekor qilinganlar ham “Avtotest”da qayta o‘qishi majburiy qilinganligi bu MChJning qudrati hali so‘nmaganini ko‘rsatadi.

Ayrim manbalarga ko‘ra, “Avtotest” MChJ O‘zbekiston prezidentining matbuot kotibi Komil Allamjonovga tegishli. O‘z navbatida, K.Allamjonov soliq idorasining bugungi kunda sobiq raisi, qudratli Botir Parpievga aloqador shaxs.

Zo‘rniki tegirmon yurg‘izadi, deb shuni aytsalar kerak-da.

Bahodir Sharif
Eltuz.com

Tag‘in o‘qing
15 yanvar 2018
14 yanvar kuni O‘zbekistonda Vatan himoyachilari kuni shu paytgacha misli ko‘rilmagan darajada keng nishonlandi. Prezidentning shu munosabat bilan tabrigi ...
18 yanvar 2017
Shu kunlarda, ko‘plab ota onalar kollejni tamomlayotgan farzandlariga to‘rt tomonlama shartnomani imzolatish uchun ish beruvchilar eshigida sarson bo‘lishmoqda. Hali ...
23 fevral 2021
(Muhammad Solih audiokitobining davomi) Sizlar-chi, 1987 yilda nima bilan mashg‘ul edinglar, janob manqurtlar? Masalan, men bilaman, sizlarning adabiyotchilaringiz u ...
24 noyabr 2021
«Eltuz» O‘zbekiston inson huquqlari forumi bilan hamkorlikda mehnat huquqlariga bag‘ishlangan turkum animatsiyalarini davom ettiradi. Turkumning o‘tgan sonlarida biz jamoa ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...