«Eltuz»ga maktub: O‘zbekistonda eng dardi yo‘q odamlardan biri aniqlandi

«Paxtakor»ning kelib chiqishi turk, lekin shveytsariyalik Derdiyok (o‘zbekchasiga Dardiyo‘q) degan futbolchisi bor. Yillik maoshi 1,3 million yevro ekan. O‘zbekchasiga aytganda, yigit «Paxtakor»da kuniga har daqiqada 31 ming so‘m, har soatda 1,9 million so‘m, kuniga 45 million so‘m ishlab topayotgan ekan. Kelganidan beri (bir yarim yil bo‘libdi) hozirgacha 19 ta gol urgan ekan. Shu 19 ta golni bir yilda urgan, deb olsak ham bitta golining bahosi 865 million so‘m ekan.

O‘zbekistondagi eng dardi yo‘q odamlardan kamida bittasi aniqlandi. O‘zbekistonda davlat byudjetidanmi, tadbirkorning cho‘ntagidanmi, farqi yo‘q, bebiliska, maqsadsiz, behuda ishlatilayotgan pul oqimini cheklash lozim bo‘lgan sohalardan birini ko‘rsatib bergani uchun «Paxtakor»ning yangi rahbariyatiga rahmat. O‘z o‘rnida, klubning yangi de-fakto xo‘jayini Jahongir Ortiqxo‘jaevdan futboldan boshqa dolzarb sohalarda ham mana shunaqa ochiqlik va shaffoflikni kutib qolamiz.

Eltuz.com