Ko‘zqarash
15 noyabr 2023

Rassom Tuz: Suriyaga borib qolgan ayollar vaziyat qurbonimi?

Tarmoq, ya'ni sotsial media o‘zbek segmentida kuzatishlarimga ko‘ra xotin-qizlar orasida ashaddiy diniy fanatizmga moyillik kuchli.

Moskva, Seul, Istanbul va Pragada diniy fanat o‘zbek ayollarining ham onlayn, ham oflayn klublari bor. Ular ongli ravishda o‘zlari nazaarida to‘g‘ri deb bilgan g‘oya uchun o‘lishga, o‘ldirishga yoki mujohid erkaklarga xotin bo‘lishga tappa-tayyor.

Shu ma'noda ularni «bilmasdan Suriyaga borib qopti» deb xaspo‘shlash noto‘g‘ri.

Yunisefning O‘zbekistondagi vakolatxonasi sobiq rahbari Munir Mamedzade gazeta.uz-ga bergan intervyusida Suriyadagi lagerlarda yana ikki yuzga yaqin o‘zbekistonlik bola va xotinlar vataniga qaytarilishini kutayotgani haqida bildirdi.

Mamedze nazarida Suriyadagi jangarilar safida urushgan o‘zbekistondik erkaklarning bolalari va ayollari vaziyat qurbonidir.

Mamadzening bu gapi qisman to‘g‘ri. Bolalar – vaziyat qurboni hamda vaziyat hosilasi.
Ammo yoshi 18dan oshgan, ko‘p hollarda oliy ma'lumotli xotin-qizlarning uchta-to‘rtta davlat oshib, Suriyadagi jang maydonida ular ta'birida, «kofirlarni o‘ldirish uchun» ketishi bu ularning anglangan siyosiy qaroridir.

Bu qaror uchun ular zimmasida katta mas'uliyat bor. Bu holda ularni «bilmasdan odam o‘ldirib qo‘yibdi» deyish huquqiy nigilizm tupigini hosil qiladi.

O‘zbekiston 2019 yildan boshlab o‘tkazilgan “Mehr” deb nomlangan beshta amaliyot doirasida Suriya, Iroq va Afg‘onistondan 531 nafar ayol va bolani O‘zbekistonga qaytargan edi.

Eltuz tasarrufidagi ma'lumotga ko‘ra katta byudjet puli evaziga qaytarilgan xotinlardan ba'zilari aylanma yo‘llar bilan Misrga borib, diniy fanatizmga fidokorlikni davom qildirmoqda.

Bukrini go‘r tuzatadi. Bu shunchaki o‘zbek maqoli.

Rassom Tuz

Tag‘in o‘qing
29 aprel 2017
Islom Karimovga yodgorlik tanlovida o‘zbekistonlik haykaltarosh Ilhom Jaborov g‘olib chiqdi. Tanlovda turli mamlakatlardan jami 58 haykaltarosh qatnashib, 68 yodgorlik ...
11 yanvar 2017
Dunyodagi eng ishi yurishgan fotosuratchilardan biri 73 yashar Attor Abbos Eronda dunyoga kelib Parijda dunyoga tanildi. U hali sakkiz ...
30 mart 2020
(Epistolyar esse) Marhaboga Ko‘pincha adabiy muhitdan charchaganimda senga sim qoqaman. Balki opamdek yaqinim bo‘lganing uchundir yoki injiqligimni ko‘taradigan ikkita ...
30 iyul 2018
1 oktyabr kuni Muhammad Bekjon 63 yoshga to‘ldi. «Eltuz» nashri O‘zbekistonda eng uzoq muddat qamoqda o‘tirgan jurnalist va sobiq ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...