Ko‘zqarash
26 sentyabr 2015

Teskari gapirarlar mamlakatida

Nafaqat ko‘rganlar, bizga o‘xshab ko‘ra olmaganlar ham eshitib og‘zimiz ochilib qoldi.
O‘sha ko‘rsatuvda bir guruh o‘zbek bolalari .., ha-ya , iste'dodli bolalari o‘z mahoratlarini namoyish qilibdi.

Ko‘rinish mana bunday:

Ko‘rsatuvni olib borayotgan tog‘a yoki amma bolalarga bir so‘z aytadi, chaqilmagan danakdek bo‘lib o‘tirgan vunderkindlar boshlovchi og‘zidan chiqqan so‘zni darhol teskarisiga o‘girib yoqasiga yopishtiradi. Qalay, qoyilmisiz?

Ana sizga iste'dod, mana sizga dod'etsi. Bu bolalarning kelajagi yuksak!

Eh-he, bugun shu yoshida bitta-ikkita so‘zni ters o‘giradigan bo‘libdimi, ertaga she'rni teskarisiga o‘girishni o‘rganadi, keyin hikoyani…

Borib-borib katta romanlarni, uch-to‘rt tomlik kitoblarni sharillatib teskari o‘qiydigan azamatlar bo‘lib yetishadi. Kim tez teskari o‘girish bo‘yicha xalqaro musobaqalar tashkil qilinadi, milliy kurashga o‘xshab.

Qarabsiz-ki o‘zbek yoshlari jahonda yetakchi. Tasavvur qiling Afrikaning qaysidir davlatida teskari gapirish bo‘yicha jahon chempionati o‘tkazilmoqda, «Alpomish» dostonini teskari o‘qib bergan yurtdoshimiz Zo‘rbo‘lmish Kelko‘rmishop oltin medal bilan taqdirlanib uning sharafiga madhiya teskari kuylansa (Musobaqa reglamentiga ko‘ra madhiyalar teskari kuylanib, bayroqlar pastga tushiriladi). Undan keyin elektr hisoblagichni teskari aylantirish bo‘yicha yana bir yurtimiz vakili, qaysidir tuman elektr ta'minotida ishlovchi montyor Ko‘zboylar Pulpoylarop shoxsuppaga ko‘tariladi .

Ko‘rdingizmi, yurtni faqat ilm-fandagi yoki iqtisodiyotdagi yutuqlar bilan emas, teskari ishlarni qilib ham olamga tanitish mumkin.

Akmal Nabiev,
www.eltuz.com

Tag‘in o‘qing
4 aprel 2020
Mana, hafta o‘tib siz bilan yuzlashdim. Ko‘zlaringiz qorachig‘ida o‘zimni ko‘raman. Sizning dardingiz – mening dardim. Sizning g‘amingiz – mening ...
10 avgust 2023
Eltuz e'lon qilgan Bulung‘urda IIB xodimlari kaltaklagan o‘spirin videosi yuzasidan ichki ishlar idorasi munosabat bildirdi. “Xodimlar qo‘pollik qilib urayapti”- ...
10 dekabr 2019
22 dekabrda O‘zbekiston Oliy Majlisi Qonunchilik palatasi va mahalliy kengashlariga saylov bo‘lib o‘tadi. Shu kuni rasmiy ravishda ro‘yxatga olingan ...
9 iyun 2023
Rassom Tuz
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...