Xorazmda yo‘l qurilish idorasi bo‘lim boshlig‘i pora bilan ushlandi

“Xorazm yo‘l qurilish” MChJda bo‘lim boshlig‘i lavozimida ishlovchi shaxs Xiva tumanidagi oilaviy korxonaga tegishli 8500 kvadrat metr yer maydoniga hech qanday hujjat rasmiylashtirmasdan, asfalt yotqizib berish evaziga korxona rahbaridan 1 mlrd. 306 mln. so‘m talab qilib, shundan 48 ming AQSh dollarini olgan vaqtida ushlandi.

Shuningdek, Davlat kadastrlari palatasining Xiva tuman filiali xodimi o‘zining qaynotasi nomida bo‘lgan 4000 kvadrat metr yer maydoni 2021 yilda xaridorga notarial tartibda sotilganligini bila turib, go‘yoki ushbu yer maydonida uning ham ulushi bo‘lganligini ro‘kach qilish orqali, yerni sotib olgan fuqarodan o‘z ulushi sifatida 60 ming AQSh dollar talab qiladi. O‘tkazilgan tezkor tadbirda u so‘ralgan pulni tanishi orqali olgan vaqtida ushlandi.

Hozirda mazkur shaxslarga nisbatan jinoyat ishlari qo‘zg‘atilgan. 

Eltuz Xorazm viloyatida kechayotgan korruptsiya xolatlarini voqealarni siz birgalikda o‘rganishda davom etadi. Kanalimizga obuna bo‘lishni, videolarimizga layk bosishni unutmang.

@eltuz