Dmitriy Tixonovning uyiga o‘t ketdi

Huquq himoyachisining o‘zi yong‘in chiqqan payt uyida bo‘lmagan. Bu haqda u bir necha kun keyin bilgan.

“20 oktyabr kuni mening uyim yondi. Men bu haqda kech xabar topdim, chunki shaharda mening yaqinlarimdan hech kim yo‘q edi” deydi u.

Huquq himoyachisining bildirishicha, asosan uning ish kabineti, u yerdagi barcha hujjatlar, kompyuter, foto va boshqa barcha texnik anjomlar yongan.

Uyiga kelgan payti, eshik muhrlangan bo‘lgan va Dmitriy Tixonov kelishi bilan o‘t o‘chirish va militsiya xodimlari ham u yerda hozir bo‘lishgan va ishni rasmiylashtira boshlashgan.

Huquq himoyachisi va uning hamkasblari bu voqeani inson huquqlari faolining paxta monitoringidagi faoliyati uchun qasd olish deya baholamoqda.

Yong‘indan bir kun avval 19 oktyabr kuni paxtaga olib ketilayotgan angrenliklar kolonnasini suratga olayotgan paytda, Dmitriy Tixonov militsiya tomonidan olib ketilib unga ma'muriy ish ochilgan edi.

Qizig‘i shundaki, yong‘inning birinchi kunidanoq voqeadan xabari bo‘lgan militsiya na unga, na uning advokatiga xabar berishmagan.

Garchi 20 oktyabrdan buyon huquq himoyachisining advokati Polina Braunerg uning ishi bo‘yicha ikki marta militsiya idorasida bo‘lgan va bundan tashqari bir marta uchastka militsionerining o‘zi unga qo‘ng‘iroq qilgan.

Eltuz.com