Kundalik
15 noyabr 2015

G‘o‘zapoya oyligimiz…

Bu yil paxta tera olmadim, deb “xafa bo‘lib” yurgandim. Lekin kecha sinfdoshim Qadamboyning g‘o‘zapoyasini (poqolini) terishgani ko‘makka (yordamga) borganimda bu ishni qildim, to‘g‘risi qilishga majbur bo‘ldik.

Buning uchun ochko‘z fermerga katta rahmat! Boshidan tushuntiray… Havoning buzuqligiga qaramay, yertalabdan dalaga yayov jönadik. Sababi yo‘llar yomon.

Bug‘doy ekilgan paxta dalasidagi sinfdoshimning bir gektar yeridagi g‘o‘zapoyasini 9 kishilik jamoa o‘rib, bog‘lab, olib ketishga tayyor qildik.

rasm521
Yomg‘ir yog‘abergach, ishimizni ham, ishini ham chala tashlab qaytdik…

Bug‘doy ekilgan dalaga transport, ot-arava kiritib, (bug‘doyga zarar yetkazish mumkinmasligi uchun/:-)/, daladan 1000 bog‘dan ziyod g‘o‘zapoyani qo‘lda qatnab olib chiqsak bo‘ldi, deb tursak, fermerning ish boshqaruvchisi kelib, “g‘o‘zapoyangdagi paxtalarni terib chiqinglar, keyin g‘o‘zapoyangni olib ketasan, bo‘lmasa yo‘q!” desa bo‘ladimi…

Fermerga chaqishgan… Ana sharmandalik! Bog‘lardan paxta terdik! Ochilib qolgan ko‘saklar ham oz emas ekan! Bir pastda bir qanor (ikki qop sig‘imidagi xalta) paxta terdik!

Uni ham dala shiyponga olib borib topshirdik. Yomg‘ir yog‘abergach, ishimizni ham, ishini ham chala tashlab qaytdik…

“Paxta – boyligimiz, g‘o‘zapoya – oyligimiz” degan gap bor Xorazmda, balki sizda ham bordir, a?

Xullas, endi fermerlar shu oyligimizga ham ko‘z olaytira boshlashdi: paxta chopig‘i uchun 1 gektar yerga ega ishchilardan 50-80 bog‘ g‘o‘zapoya olib qoladi.

Gaz umuman yo‘q, elektr uzilib keladigan, daraxtlari, bog‘lari chopilib deyarli tugagan qishloqimizda, elning qahraton qishdan omon chiqaradigan najotlaridan biri bu g‘o‘zapoya.

Bir vaqtlar gazni qoramolga yem pishiriladigan o‘choqlarda boricha yoqib qo‘yardik (aynan bizning oila emas). Bugun shularning uvoli tutayotgandir balki…

Murod Bekjonov
Eltuz.com

Tag‘in o‘qing
26 iyul 2016
Mustaqillik deklaratsiyasi haqida qariyb 25 yildan beri bir gap yozishdan xuddi moxovdan qo‘rqqandek hadiksirab kelayotgan o‘zbek matbuoti, aniqrog‘i, “Hurriyat” ...
13 fevral 2017
O‘tgan juma rasman so‘roqqa tutish uchun Silviri qamog‘iga yuborilgan O‘zbekiston vatandoshi Abduqodir Masharipovning Reina tungi klubiga hujum oldidan kamera ...
15 dekabr 2017
14 dekabr kuni HRW tadqiqotchisi Stiv Sverdlov O‘zbekistondagi rasmiy matbuotning ikkiyuzlamachiligi haqida maqola chop qildi. Podrobno.uz saytida 5 dekabrda ...
8 iyun 2020
Runetda, uning ketidan esa o‘znetda AQShdagi voqealarning muhokamasi davom etmoqda. “Irqchi emasman, lekin do‘konlarni yoqishning qora tanlilar huquqlariga qanday ...
Bloglar
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...
20 noyabr 2020
Bugun kechqurun gazim yonmadi, o‘zi shundoq ham past yonardi. O‘tin-ko‘mir g‘amlamagandim. Kichkina elektrpech o‘zini o‘zi ...
18 noyabr 2020
Ertalab mosh sotdim. Ko‘p emas, besh yuz kilo. Moshimni sotib olgan tadbirkor yigit: “Moshning pulini ...