Universitet professorlari pora olmaslik haqida qasam ichdi

Respublika Bosh prokuraturasi Toshkent shahrida joylashgan oliy o‘quv yurtlari o‘qituvchi-professorlaridan pora olmaslik haqida kafolat xati yozdirib oldi.

Bu kafolat maktubini imzolatishdan oldin institut o‘qituvchilari Respublika Bosh prokuraturasida suhbatdan o‘tkazilib ta'lim sohasidagi korruptsiya borasida rasman ogoh qilindi.

Eltuz.com muxbiriga ma'lum bo‘lishicha so‘nggi bir oy ichida Toshkent shahridagi institut talabalaridan pora olganlikda ayblangan o‘qituvchilar ustidan bir nechta jinoyat ishi ochilgan.

O‘zbekistonda ta'lim tizimi reforma qilinmagani bois Sovet davridan meros “pora bilan o‘qishga kirish” tizimi o‘zgarishsiz saqlanib qolgan.

Gruziya va Boltiqbo‘yi davlatlarida uzoq o‘tmishga aylangan “pora bilan o‘qishga kirish” tizimini O‘zbekiston rahbariyati “tanlab olingan poraxo‘rlarni ba'zan jazolash” kibi kosmetik metod bilan yechishga samarasiz urinib keladi.

Masalan o‘tgan yili Namangan shahridagi tibbiyot kollejlaridan birida uzoq yillardan buyon dars berib kelgan 50 yoshli Muazzam Samatova 1200 dollar pora olish paytida qo‘lga olingani haqida “Huquq” gazetasi xabar bergan edi.

Eltuz.com muxbiri tasarrufidagi ma'lumotga ko‘ra bu yil ayni maskanda yana bir o‘qituvchi ustidan “poraxo‘rlik” bo‘yicha tergov boshlangan.

Eltuz.com