Asosiy mavzular
1 noyabr 2016

Terimchilar yomg‘irli kunda ham paxtasiz dalada qolishdi

Dalalarda umuman paxta qolmaganiga qaramay haliyam odamlar paxta terib kelish uchun bo‘m bo‘sh dalalarga jo‘natilayapti deydi, Eltuz.comning Farg‘ona viloyatidagi manbalari.

Faqat g‘o‘zapoyalar tikkayib turgan paxta maydonlarida haliyam bog‘cha, maktab, kasalxona xodimlari besh-o‘n kilo paxta topish ilinjida yurishibdi.

Barcha tumanlarda talabalar, 10 kunlik yotoqqa ketganlar yomg‘irli va sovuq kunlarda ham uylariga qo‘yib yuborilmadi.

Paxta dalasida qolayotgan umumta'lim maktabi rus tili va adabiyotidan dars beruvchi o‘qituvchi o‘z o‘rniga maktab qorovulining o‘g‘lini jo‘natganini aytadi.

“10 kunga 150 ming so‘m berdim. Bola bechora (kollejni bitirgan, ishsiz yurgan yigit) palatkada yotibdi. Biz uyimizda sovuqqotyapmizku, ular palatkada muzlab qolayotgandir”, deydi u.

Dalalarda paxta yo‘q. Ammo byudjet tashkiloti xodimlari haliyam yotoq sharoitida qolayotganini aytadi u.

Boshqa ko‘p o‘qituvchilar ham paxtaga bormaslik uchun pul to‘lashni afzal ko‘rishgan.

Qo‘shtepa tumanidagi maktablardan birining o‘qituvchisi ham o‘n kunga maktab direktoriga 150 ming so‘m berganini aytadi:

“Baribir paxtazorga borganimiz bilan paxta tugul ko‘sak ham yo‘q. Bekorga sovqotib, izg‘iganimiz qoladi, xolos.

Ko‘pga kelgan to‘y, deb yurgan o‘qituvchilarning, bog‘cha opa va oliy ma'lumotli vrachlar, hamshiralarning dodini eshitadigan odam ham yo‘qligini aytadi u.

Eltuz.com

Tag‘in o‘qing
4 oktyabr 2018
Bugun o‘zbek tarixidagi eng qayg‘uli sana. Bundan roppa-rosa 80 yil burun, 1938 yilning 4 oktyabrida o‘zbek millati oydinlaridan iborat ...
11 aprel 2018
Shoir Shavkat Rahmon ijodiga oid ko‘rsatuvda uning Usmon Azim, Xurshid Davron va Muhammad Solih bilan tushgan fotosurati 3 aprel ...
1 may 2015
O‘zbekistonda maxsus xizmat xodimlari ayollarni ro‘molini yechishga majbur qilishmoqda. rasm muallifi: Shuhrat Bobojon
15 oktyabr 2018
Xorazmlik taniqli xonanda Aziza Niyozmetova 14 oktyabr kuni 46 yoshida olamdan o‘tdi. Bir yil avval saraton kasaliga chalingan xonanda ...
Bloglar
28 iyun 2021
Asfalti yo‘q ko‘chalar, gazlashtirilmagan uylarimiz haqida «Do‘stlik bayrog‘iga» yozganimda o‘n uch yoshda edim. Qishlog‘imizni badbo‘y ...
25 iyun 2021
Texnik sabablarga ko‘ra, bugun juma va'zi efirga uzatilmaydi. Ammo aziz mushtariylar uchun bir paytlar Urganchdagi ...
21 iyun 2021
«Paxtakor»ning kelib chiqishi turk, lekin shveytsariyalik Derdiyok (o‘zbekchasiga Dardiyo‘q) degan futbolchisi bor. Yillik maoshi 1,3 ...