Asosiy mavzular
23 yanvar 2017

O‘chgan chiroqlar yoki Mirziyoev bilan selfi

«Kecha Mirziyoev. Sh.M ketishi bilan 3 kundan beri o‘chmay turgan chiroqlar boshladi o‘chishni» deya yozdi to‘rtko‘llik shifokor Alimardon Sultonov.

Uning so‘zlariga ko‘ra ba'zan chiroq tushlikkacha, ba'zan to asrgacha beriladi, keyin o‘chiriladi.

«Asosan gazdan kiynalyapti xalq» dedi u Eltuz muxbiriga.

Uning so‘zlarini nukuslik faol Azimboy Otaniyozov ham qisman tasdiqladi.

Uning bildirishicha, Mirziyoev kelishi bilan ikki kun Nukusda ham chiroq o‘chmagan. Biroq gaz bosimi pastligicha qolgan.

Tabiiy gaz bosimining pastligi va svetning o‘chishi Qoraqalpog‘istonning nafaqat chekka ovullari balki markaziy Nukus shahri uchun ham odatiy hol.

«Soddadil odamlar endi hammasi yaxshi bo‘lib ketadi deb ishonishmoqda. Rasmiy matbuot faqat shu Mirziyoevni maqtash bilan ovora. Lekin, hali hech narsa o‘zgarmagani ko‘rinib turibdi «, deydi Azimboy aka.

Uning ta'kidlashicha, Mirziyoev kelishidan Qoraqalpog‘istonning ko‘rimsiz hududlarida potyomkin qishloqlarini yaratishga urinishlar bo‘lgan. Ko‘p hollarda prezident bo‘yog‘i qurib ulgurmagan ob'ektlarini borib ko‘rgan.

Ellikqal'alik bir haydovchiga ko‘ra, prezident kelishi oldidan qora rangli «Kaptiva» mashinalariga ehtiyoj paydo bo‘lgan.

«Bir hafta burun 20 tacha qora rangdagi «Kaptiva» mashinalari tayyor qilinib SNB garajiga keltirib qo‘yildi. Yetmaganlarini, mening bilganim, Ellikqal'a tumanidan odamlarning shaxsiy avtomobillarini so‘rab olishdi», deydi Eltuzning suxbatdoshi.

Ijtimoiy tarmoqda Xo‘jayli shahrida, xalqning prezidentni o‘rab olishgani tasvirlari paydo bo‘ldi.

Odamlar prezidentni o‘z telefonlarida suratga olishdi, Karimovning so‘nggi davrida buni hatto ular tasaavvur ham qila olishmagan.

Yangi prezident, tumanlarni aylanib, hokimlarni almashtirar, raxbarlardan odamlar arzini tinglashni talab etar va barcha vazirlarni tanqid qilarkan, uylarda chiroqlar hamon o‘chishda davom etmoqda.

Eltuz.com

Tag‘in o‘qing
23 yanvar 2024
2024 yilning 18 yanvarida Rossiya Federatsiyasi prezidenti Vladimir Putin o‘tmishda Rossiyaga tegishli bo‘lgan, sovet ittifoqi qulaganidan so‘ng mustaqil mamlakatlar ...
25 aprel 2023
Eltuz kanaliga yetib kelgan videoda ikki nafar hijobli qiz 1 million sӯm qarzi bӯlgan boshqa bir qizning ustidagi kiyimini ...
4 aprel 2021
Muhtaram o‘quvchi, siz bilan O‘zbekiston g‘arbining olis Drujba shahridagi qozonxona go‘laxi bo‘lgan Qo‘ylining Pokistondagi Peshavor shahrigacha bo‘lgan sargardonligini kuzatdik. Mana, ...
13 fevral 2020
Anvar Obidjonning 1983 yil yozilgan «Ey, yorug‘ dunyo!» kitobi mazmuni ba'zi jihatlari bilan shu bugungi O‘zbekistonda yuz bergan voqealarga ...
Bloglar
22 noyabr 2024
Qudratlar ayrilgan tuzum, ya'ni demokratiya avtokratiyadan yaxshidir. Bu gapni aytaverib tilim qavardi. Demokratik jamiyat bo‘lgan ...
28 oktyabr 2024
(Eltuzga telegram orqali kelgan maktub) “Xorazm viloyati Urganch tumanlararo sud raisi Yo.A.Almosov janobi oliylarining bugungi ...
24 oktyabr 2024
Bir odam hammaga yaxshilik qilishga so‘z beribdi. Qo‘shnisi kelib uni otini so‘rab olib minib ketganicha ...