Document UZ
6 mart 2018

Sobiq Bosh prokurorning o‘g‘li qidiruvga berildi

Ustidan Jinoyat kodeksining 165, 205, 210-moddalari bo‘yicha jinoyat ishi qo‘zg‘atilib, 22 fevraldan beri hibsda qolayotgan sobiq Bosh prokuror Rashidjon Qodirovning o‘g‘li 39 yoshli Alisher Qodirov O‘zbekiston IIV tomonidan qidiruvga berildi.

Qidiruv e'lonida Alisher Qodirov Jinoyat kodeksining 165 (tovlamachilik) va 168-moddasida (firibgarlik) ko‘rsatilgan jinoyatlarni sodir etib qochib yurganligi aytiladi.

«Eltuz» muxbiri bilan gaplashgan Bosh prokuratura rasmiylardan biriga ko‘ra, Alisher Qodirov shu kunlarda Moskva shahrida istiqomat qilmoqda. U Bosh prokuratura talabi asosida otasi o‘g‘irlagan pullardan bir qismini Toshkentdagi «Infinbank» vositachiligida O‘zbekistonga qaytargan. Mulozimga ko‘ra, Alisher Qodirov qaytargan summa 20 million dollar atrofida.

«Eltuz» suhbatlashgan prokuratura rasmiysiga ko‘ra, sobiq prokuror Rashid Qodirov oilasi O‘zbekistondagi yashirin boylardan bo‘lgan. Dunyoning o‘ndan ortiq mamlakatida Rashid Qodirov oilasiga tegishli mol-mulk bor.

«Eltuz» Rashid Qodirov mulki deb ishonilgan Latviyadagi ikkita villaning fotosuratini chop qilgan edi.

Shuningdek, Qodirovning Shveytsariya, Avstriya va Chexiyada ko‘chmas mulklari mavjud.

«Eltuz» muxbiri Qodirovlar oilasiga oid uylar haqida ma'lumot mavjud bo‘lgan Latviya ko‘chmas mulk reestrlariga doir hujjatlarni ko‘rgan.

Rashid Qodirovning qidiruvga berilgan o‘g‘li Alisher Qodirov va kuyovi Temur Karimov juda katta pul mablag‘larini o‘g‘irlaganiga oid ma'lumotlar «Eltuz»da mavjud.

«Eltuz» tasarrufidagi ma'lumotlarga ko‘ra, Toshkent viloyati Zangiota tumanida faoliyat yuritayotgan va bir martalik shpritslar hamda boshqa dori-darmonlar ishlab chiqaradigan “Asia Trade” shirkati muassisi hozir qamoqda qolayotgan Rashid Qodirovning qidiruvga berilgan o‘g‘li Alisher Qodirovdir.

Rashid Qodirov va uning o‘g‘li Alisher Qodirov “kriminal akaxonlar” G‘afur Rahimov hamda Salim Abduvaliev bilan ham yaqin aloqada bo‘lgan.

Rasmiy xabarga ko‘ra, Qodirov joriy yil 23 fevral kuni hibsga olingan bo‘lib, sobiq Bosh prokuror Jinoyat kodeksining «tovlamachilik» (165-moddasi), «hokimiyat yoki mansab vakolatini suiiste'mol qilish» (205-modda) va «pora olish» (210-modda) moddalari bo‘yicha ayblanmoqda.

Eltuz.com

Tag‘in o‘qing
26 may 2018
“Hayt!” degandan hadahalab yugurgilash kerak emas. Oldin u yoq-bu yoqqa qarab olish ham kerak. Hammamiz eyforiya holatidamiz. Sarmastlik tarqaydi, ...
4 aprel 2021
Muhtaram o‘quvchi, siz bilan O‘zbekiston g‘arbining olis Drujba shahridagi qozonxona go‘laxi bo‘lgan Qo‘ylining Pokistondagi Peshavor shahrigacha bo‘lgan sargardonligini kuzatdik. Mana, ...
28 may 2024
Salom qadrli muhlislar, Eltuz portaliga yo‘llangan co‘nggi 5 ta maktub O‘zbekistonning Namangan, Qashqadaryo, Navoiy va Andijon viloyatlaridan kelgan. Xatlar oqimi ayni soniyalarda ham davom etmoqda. muammolar echimini ta'minlash, shuningdek kanalimizning alohida sahifasiga kirib privatga o‘tkazilgan yopiq videolarni  ko‘rish uchun Eltuz kanaliga obuna bo‘lish, layk bosish, kanalni qo‘llab quvvatlash tavsiya qilinadi va biz xatlarni o‘qishda davom etamiz. Dastlabki murojaat Namangandan. ...
28 sentyabr 2016
Sovet O‘zbekistoni paytida oddiy rasssomlar paxta tergan bo‘lishsa, katta rassomlar paxtakorlar suvratini chizishgan. SSSR davridagi paxta safarbarligi oddiy odamlar ...
Bloglar
18 iyun 2025
«O‘zbekcha fikrlash»ni musorga otvormasak dunyoga razil bo‘lishda davom etamiz.Nima o‘zi «O‘zbekcha fikrlash»?Masalan O‘zbekiston qonunida «jins ...
16 iyun 2025
Teatr zamon yuziga ko‘zgu tutishi kerak. Lekin o‘zbek teatri buni eplay olmayapti. Drama yozadigan birorta ...
9 iyun 2025
Qadimgi turk bitiklari qisqa va chuqur ma'noli bo‘lgan. «Tashingdan barcha kishi kabi ko‘rin. Iching go‘zal ...