UzPoster
24 yanvar 2019

100 ming so‘mlik yoki «bir mammad, ikki mammad»…

Markaziy bank Navro‘z arafasida yuz ming so‘mlik banknotlarni muomalaga kiritishi haqida bildirib, bundan qulayliklar yaratish, pullarni tashish xarajatlarini kamaytirish, bankomatlar samaradorligi ko‘zlanganini aytmoqda.

Ammo bloger Eldar Asanov o‘z blogida Ozarbayjon tajribasidan misol keltiradi.

Asanov formati: Inflyatsiya masalasida

Ozarbayjon manati ham 90-yillarda va 2000 yillar boshida kichikroq inflyatsiyani boshdan kechirgan. O‘shanda 10 ming va ming nominalli banknotalar chiqarilgan. Odamlar “ming”, “o‘n ming” deyishga erinib, banknotalarga nom qo‘yib olishgan: 250 manat — qiz qal'asi (qız qalası, banknotada Bokuning shu nomli mashhur tarixiy obidasi tasvirlangan edi), 500 manat — nizomiy (nizami, kim tasvirlanganini tushundingiz), ming manat — mamademin yoki mammad (məmməd, Mamadamin Rasulzoda tasviri tushirilgan), 10 ming manat — shirvon (şirvan, Shirvonshohlar saroyi tasvirlangan).

U yillarda Boku bozoriga chet ellik odam kirib qolsa, ozgina aylanib, narx-navoni tushunmay chiqib ketardi. Aytaylik, kimdandir narx so‘rasangiz, u “besh shirvon bir nizomiy” derdi, bu 50 500 manatligini tushunishga vaqt va ko‘nikma talab qilinardi. Yoki bo‘lmasa, aytaylik, kurtka sotvolaman desangiz, yuz ellik besh shirvon to‘lashingizga to‘g‘ri kelardi (qanchaligini o‘zingiz hisoblab oling, erindim). Hozir ham ozarbayjonlar “bir mammad, ikki mammad” deb hazillashib yurishadi.

2006 yil 1 yanvarida mamlakatda denominatsiya o‘tkazilib, 5 ming manat 1 manatga tenglashtirildi. Ungacha 100 dollar taxminan 50 ming manatga (yoki besh shirvonga) teng edi, hozir esa bankka 100 dollar topshirib, 176 manat olasiz.

Darvoqe, yana masxara bo‘lib ketmasin deb yangi banknotalarga odamlarning va tarixiy binolarning suratlari joylanmay qo‘ygan.

Eldar Asanov,
Telegram blogeri

Tag‘in o‘qing
25 yanvar 2022
Toshkentning barcha hududlarida elektr energiyasi o‘chgani sababli Toshkent metropolitenining barcha yo‘nalishlarida vaqtinchalik metro harakati to‘xtadi. Hozircha mobil aloqa ishlamoqda. ...
8 avgust 2017
Eltuz nashri o‘tgan 2016 yilning ayni 8 avgustida, o‘z tomorqasida meva sabzavot yetishtirgan dehqonlarning hosilini erkin sotishiga ruxsat berilmayotgani, ...
10 aprel 2017
Raxmat Akilov telegram tarmog‘idagi yozuvlari oshkor qilindi. Aqilov doimiy ravishda ijtimoiy tarmoqlarda IShID tarafdorlari yoki a'zolari bilan aloqada bo‘lgan. ...
30 iyul 2016
Ijtimoiy tarmoqdagi o‘zbek segmentiga xos illatlardan biri, biror maqolada millat turmushidagi nuqsonlar tanqid qilinayotgan payt, chet ellarda bundan yomonligiga ...
Bloglar
23 may 2022
(Taniqli shoir va siyosatchi Muhammad Solihning “Imperativ” kitobidan 50-qism. Audiokitob matnini muallifning o‘zi o‘qigan) «Sof ...
17 may 2022
(Taniqli shoir va siyosatchi Muhammad Solihning “Imperativ” kitobidan 49-qism. Audiokitob matnini muallifning o‘zi o‘qigan. Davomi ...
11 may 2022
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...