Multimedia
26 sentyabr 2017

«Podshoga shak keltirgan» o‘zbek yozuvchisi Toshkentga qaytmoqda

26 sentyabr kuni tanqidiy fikrlari uchun o‘zbek hukumatining qora ro‘yxatiga kiritilgan 63 yoshli yozuvchi Nurilla Otaxonov Turkiyadan Toshkentga yo‘l oldi.

Uchish oldidan «Eltuz» nashriga intervyu bergan Nurilla Otaxonov qora ro‘yxatda bo‘lganini, undan o‘chirilgan kuni bilganini aytadi.

«Meni qora ro‘yxatga kiritishganini, ochig‘i ro‘yxatdan o‘chirilgan kunim bildim», deydi u «Eltuz» muxbiri bilan suhbatida. Biroq u buni 2013 yili ishdan bo‘shatilgach, sezganini aytadi.

«Ko‘p joylar meni ishga taklif qiladi. Boraman, hujjatlarim qaergadir ketadi. Keyin bir hafta ikki hafta o‘tib, yo‘q, ishga qabul qila olmaymiz, deyishadi. Demak meni qandaydir qora ro‘yxatga kiritishgan ekan»

2016 yili, Turkiyaga safar qilgan adib, u yerda o‘zining mashxur «Bu kunlar» kitobini chop qiladi. Uning bu asarida O‘zbekistondagi o‘zgacha fikrlovchilar, jumladan, dindorlar va siyosiy muxolifatga qarshi repressiyalar qoralangan.

O‘sha yili Andijonlik 37 yashar masjid noibi Botirjon Tojiboev Nurilla Otaxonovni “Podshoga shak keltirgan” o‘zbek yozuvchisi deb atagan edi.

«Kitob e'lon qilinganidan keyin shov-shuv bo‘lib ketdi. Islom Karimov tirik edi u paytlar. Ko‘pchilik menga endi qaytmang O‘zbekistonga deyishdi, shu zayl muxojirlik ikki yilga cho‘zildi. Biroq, xamisha yuragim vatanga talpinib turdi» dedi u Toshkentga   qaytish oldidan «Eltuz» muxbiri bilan qilgan suhbatida.

Video: https://youtu.be/ToHCkZC03A4

Eltuz.com

 

Tag‘in o‘qing
2 dekabr 2023
Huquq tartibot idoralari maxsus kuchlari 1 dekabr, ya'ni kecha kechqurun taniqli tadbirkor, postsovet hududida “Salimboy”, “Salimboyvachcha” deya tanilgan Salim ...
2 noyabr 2021
2016 yildan buyon minglab odam ozod qilinganiga qaramay, O‘zbekistonda yana ikki mingga yaqin kishi siyosiy va diniy sabablarga ko‘ra ...
23 fevral 2017
Ikki oy avval Sog‘liqni saqlash vazir bo‘lgan Adham Ikromov ishdan olinib, o‘rniga Oliy majlis qonunchilik palatasi qo‘mita raisi Alisher ...
7 yanvar 2024
O‘zbek vatandoshlarining Turkiyada qamoqqa olinganiga oid rasmiy bilgi: O‘zbekiston Respublikasi va Turkiya Respublikasining huquqni muhofaza qiluvchi organlari hamkorligida 2024 yil ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...