Asosiy mavzular
18 noyabr 2020

«Iltimos, yordam bering»: The North Face Xitoy qamog‘idagi uyg‘urning botinka ichidan topilgan xati bo‘yicha surishtiruv boshladi

The North Face kompaniyasi sankt-peterburglik shaxsning ayni markadagi yangi botinka ichidan topgan, mahkum uyg‘urning yordam so‘ragani bitilgan xati yuzasidan ichki surishtiruvini boshladi. Bu topilma haqida “Bumaga” nashri yozgan edi.

Shimoliy poytaxt turg‘uni Arslan Gibadullin botinka ichidan bir parcha qog‘oz topib olgan, unda ingliz tilida bunday jumla yozilgan edi: «Yordam bering. Men Xitoy qamog‘idaman. Iltimos, yordam bering. Uyg‘ur». Shundan so‘ng Gibadullin The North Facega murojaat qildi.

Kompaniyadagilar avvaliga unga poyabzal ishlab chiqarishda majburiy mehnatdan foydalanmasliklarini bildirishdi. Bundan tashqari, shirkatning mintaqaviy menejeri Gibadullinning botinkasi hech qachon Xitoyda bo‘lmagani, qadoqlash ma'lumotlariga ko‘ra, u Vetnamda ishlab chiqarilganini bildirdi.

Shunga qaramay, The North Face vakillari vaziyatni surishtirishga va'da berishdi va peterburglikdan xatni, chekni, botinkani va poyabzalning original qutisini jo‘natishni so‘rashdi.

Uyg‘urlar shimoli-g‘arbiy Xitoyning Shinjon-Uyg‘ur muxtor tumanida yashaydigan turkiy xalqlardir. Ularning aksariyati musulmonlar.

Human Right Watch ma'lumotlariga ko‘ra, hukumat ko‘p yillardan beri bu xalqni ta'qib etib keladi, buning uchun qiyofani aniqlaydigan videokuzatuv uskunalari va «siyosiy qayta tarbiyalash» lagerlaridan foydalanadi.

Xitoy matbuoti fotosi: Uyg‘urlar uchun Shinjondagi "qayta tarbiyalash" lageri

Bu lagerlar uyg‘urlar, qozoqlar, qirg‘izlar va boshqa turkiy ozchilik vakillari sudsiz va tergovsiz qamaladigan qamoqxonalardir. Lagerlarning sobiq mahkumlari u yerda mansabdor shaxslar tomonidan shafqatsiz munosabatlar – bosimlar, kaltaklanish, qiynoq va zo‘ravonliklar, ta'qib va mehnatga majburlash hollari haqida hikoya qilishadi.

Avstraliya Strategik siyosat instituti (ASPI) ma'lumotlariga ko‘ra, Xitoy hukumati «qayta tarbiyalash lagerlari»dagi mahkumlarni mashhur shirkatlar, jumladan , Apple, Google, Lacoste, Nike, Puma va boshqa kompaniyalar mahsulotlarini ishlab chiqarishga majburlashmoqda.

Novaya gazeta”dan «Eltuz» tarjimasi

Tag‘in o‘qing
7 may 2020
Qadimgi Rim arenalaridagi hayot-mamot janglarini eslaysiz-a? O‘qigandirsiz, kinosini ko‘rgandirsiz… Tepada hayqirayotgan, to‘lqinlanayotgan tomoshabinlarni-chi? Hozir hayot sahnasida ro‘y berayotgan voqea-hodisalar ...
15 may 2018
Toshkentlik turkshunos olim Andrey Kubatinga o‘tgan yilning dekabrida Harbiy sud tomonidan berilgan 11 yillik muddat, yaqinda besh yilga tushirildi. ...
21 dekabr 2020
Qishloqi qiz shahardagi boy oilaga kelin bo‘lib tushgach, o‘z urug‘laridan uyalarkan: «Kevurmanglar kir-chir bo‘lib. Bizani uyimizaga faqat chiroyli kiyingan ...
18 avgust 2018
Muhammad Bekjonni 2000 yilning iyunida oynalari qoraytirilgan, “nam asfalt” rangli yengil “Ford” avtomobilida IIV yerto‘lasiga olib ketishadi. U Karimovdan ...
Bloglar
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...
20 iyul 2022
O‘zbek xalqi kimga, qaysi rejimga qaram bo‘lib kelgan ediki, endi u o‘zini ozod, erkin millat ...
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...