Rauf Parfi haykali uchun #100 loyihasi

O‘zbekistonda shoir Rauf Parfi xotirasiga bronza haykal o‘rnatish uchun bir guruh ziyolilar boshlagan pul yig‘ish harakati nihoyasiga yetmoqda.

“Biz unutmadik. Albatta haykal qo‘yamiz shoirga. «Yuz kishi» degan harakat boshladik. Rauf Parfining Toshkentdagi bronza haykali uchun yetmay qolgan mablag‘ shu yuz kishi o‘rtasida taqsimlanadi. Shu yuz kishidan biri rassom TUZ. Shu yuz kishidan biri bo‘lishni istaganlar yozilishi mumkin. Post tagiga ism yozing”, degan navbatdagi e'lon paydo bo‘ldi 14 iyun kuni ijtimoiy tarmoq sahifalarida.

Harakatni shu kunning birinchi yarmidayoq 40 nafarga yaqin faol qo‘llab-quvvatladi. Jumladan, Mirza Anvar, Shuhrat Bobojon, Sardor Salim, Dilbar, Murod Karim, Ismigul Shayxuddinova, Abduvohid Hayit, Azizullo Ergashjonov, Umid Soriev, Dilnora, Dilobar Asliddin qizi, Davronbek Yo‘ldoshev, Feruza Mahmudova, Go‘zal Begim, Bahrom Rahmon, Edelveys, Qutbiddin Muhiddin, Ilyos Safarov, Malohat Mirzaeva, Shuhrat Melikov, Xurshid Abdurashid, Anora Sodiqova, Zafar Habibullo, Nozima Rizaeva, Nilufar, Barno Sultonova, Shukur Jabbor, Rahmat Bobojon, Sharifa Madrahimova, Sundar Qoraboev, Islom Mo‘min, Abduhamid Pardaev, Olima Nabieva, Nasiba Yo‘ldosheva, Qudrat Bobojon…     

Shoirning bronza haykalini o‘zbekistonlik taniqli haykaltarosh Azamat Hotamov yaratishga jazm qilgan. O‘zbekistonning yaqin tarixida ilk bor shoir uchun elning o‘zi mablag‘ yig‘moqda.

“Eldan biri sifatida siz ham, men ham o‘z shoirimiz haykali tiklanishiga ko‘mak beramiz. Sho‘rvada sizning ham tuzingiz bo‘lsin”, deyiladi joriy yilning 14 fevralida ochilgan guruhning telegram sahifasida.

Eltuz.com