Qurilish vazirligi sayti IShID tomonidan buzildi

Salom qadrli muxlislar, shoshilinch xabar. 26 martga o‘tar kechasi soat 24.00 atrofida, O‘zbekiston Respublikasi Qurilish  vazirligining «Ulush kiritish asosida uy-joy qurish» milliy axborot tizimi IShID jangarilari tomonidan buzib kirildi.

Saytning bosh sahifasida arab tilida «Sizning tizimingiz IShID tomonidan buzilgan. Biz shu yerdamiz» deya yozuv qoldirilgan. Matn ostida IShID tashkilotining vatsap manzili ko‘rsatilgan.

«Ushbu sayt bir necha bor xakkerlar tomonidan buzib kelinmoqda. Nahotki, qurilishlardan milliardlab pul topadigan vazirlik o‘z saytini yaxshilay olmasa? Hukumat saytida terrorchi tashkilotning targ‘ibot e'loni bir soatdan buyon ilinib turibdi. Mulozimlar esa hanuz uxlab yotibdi» dedi voqea haqida Eltuz insayderi.

Bu ota turkning mashhur satrlarini menga eslatdi. «Uxlagan millat qul bo‘lib uyg‘onadi. Yoki umuman uyg‘onmaydi» degan edi Ota Turk. Voqea Eltuz IShIDning terorchilik hujumlari va O‘zbekiston bilan aloqalari haqida tahliliy material tayyorlayotgan bir vaqtga to‘g‘ri kelgani ham paradoks holatdir.

Eltuz IShID xakerlari bilan bog‘liq voqea jarayonini o‘rganishda davom etadi. Kanalimizga obuna bo‘ling. Layk qoldiring. Agar imkon topsangiz raxmat knopkasini bosib bizni qo‘llab quvvatlang.