Catira
21 fevral 2017

Bank odamlarga chopar, odamlar bankdan qochar

Bugun O‘zbekistonda barcha banklar «xalq manfaati»ni o‘ylab qolgan. Ularning vakillari uyma-uy yurib, odamlarga kredit tarqatish bilan ovora.

Yangi prezidentning ur to‘qmog‘i zarbiga uchrashdan qo‘rqib qolgan banklar odamlarni tadbirkorlikka jalb qilish borasidagi ma'lumotlarni kerak bo‘lsa reklamanusxa qilib, u gazet qolib bunisiga, bunisi qolib unisiga chop ettirib yotibdi.

«Mohiyat» gazetasi (16.02) ham «Mikrokreditbank»ning «har bir oilani tadbirkor qilish»ga qaratilgan faoliyati xususida maqola e'lon qildi.

Ma'lum bo‘lishicha, «Aholini tadbirkorlikka jalb qilish» dasturi doirasida mazkur bankka 428 ta aholi punktida 700 mingdan ortiq xonadon egalarini tadbirkorlikka tortish majburiyati yuklangan.

«Bugungi kunga qadar bank xodimlari 305 mingta xonadon egalari bilan suhbat o‘tkazdi. Ularning 39,5 mingtasi tadbirkorlik bilan shug‘ullanish istagini bildirdi», deyiladi maqolada.

Lekin «kurk tovuq go‘ng sochadi, o‘z ketini o‘zi ochadi» deganlaridek, bu borada qilgan ishlarini maqtash barobarida ular aslida odamlar kredit olishga shoshilmayotganini ko‘rsatib qo‘ymoqda. Zero, tadbirkorlikni istash boshqa, ish boshlash boshqa.

Gazetada yozilishicha, kredit taklif etilgan yuz minglab odamdan bor-yo‘g‘i 5876 tasi imtiyozli kredit olibdi. Ularga 43,4 milliard so‘m ajratilibdi.

Aslida moliya tizimi to‘g‘ri yo‘lga qo‘yilgan davlatda bankka odamlarning o‘zi kredit so‘rab keladi. Buning uchun uyma-uy yurib, ularga kredit taklif etish shart emas.

Odamlar tadbirkorlik qilishi uchun, avvalo, sharoit yaratilishi kerak. Ularni nohaq ayblashga, amaldorlarning ularning noniga sherik bo‘lishiga chek qo‘yish, ishiga aralashmaslik, erkin faoliyat yuritishiga yo‘l qo‘yib berish lozim.

Bugungi harakatlar esa odamlarni tadbirkor bo‘lishga majburlashga o‘xshab ketadi. Bunday majburiylik esa kutilgan natijani bermasligi boshdanoq aniq!

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
5 dekabr 2016
2 dekabr kuni Urganch Suvratlar galereyasi bosh muxofizi Shirin Tosheva galereyada O‘zbekiston Milliy xavfsizlik xizmati (MXX) tomonidan tekshirishlar bo‘lgani ...
12 sentyabr 2017
12 sentyabr kuni tarmoqda Sirdaryoda tuman hokimining maktab direktorlarini urayotgani aks etgan video tarqaldi. Kun.uz nashri tarqatgan videoda Sirdaryo ...
4 may 2020
Sardoba to‘g‘oni o‘pirilishi yuzasidan tergovni Davlat xavfsizlik xizmati olib bormoqda. Fojeaning ehtimoliy aybdorlari ustidan Jinoyat kodeksining 207-moddasi 1-qismi (Mansabga ...
18 oktyabr 2021
(Taniqli shoir va siyosatchi Muhammad Solihning “Imperativ” kitobidan 36-qism. Audiokitob matnini muallifning o‘zi o‘qigan. Davomi bor.) L.A.N Meni yengolmadi ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...