Catira
5 aprel 2017

O‘z hamkasbini himoya qilgan o‘qituvchi mahkamaga tortildi

O‘quvchilarning jinsiy tegajog‘ligidan hamkasbini himoya qilgan Toshkent shahar Olmazor tuman 315-umumta'lim maktabining ingliz tili o‘qituvchisi 60 yashar Gulbo‘ston Nizomiddinova va uning jiyani 27 yashar Dildora Azimova mayda bezorilikda ayblanib mahkamaga berildi.

Olmazor tuman IIB 315 maktab o‘quvchisi Abdurahmon Mahmudovning ota onasi bergan shikoyat arizasini ko‘rib chiqib voqeani O‘zbekiston Respublikasi Ma'muriy javobgarlik to‘g‘risidagi kodeksining 183-moddasi bilan malakalab ishni sudga oshirgan.

Jinsiy tegajog‘likka chek qo‘ymoqchi edi

15 mart kuni Toshkentdagi 315-o‘rta maktabning ingliz tili o‘qituvchisi Sevara Chinalieva katta tanaffus paytida 9-sinf o‘quvchisi tarafidan jinsiy tegajoqlikka uchragan.

Sevara zinadan pastga tushib kelayotgan paytda maktabining 9-sinf o‘quvchilari Abdurahmon Mahmudov va Ilhomxo‘ja Abrorovlar uni o‘rab olib sonini silashgan.

Abduraxmon Mahmudov qo‘l telefonidagi porno suratni o‘qituvchiga ko‘rsatib tirjaygan.

O‘spirinlardan biri muallimaning qo‘lini qayirib, badanini g‘ijimlagan.

Chinalieva esa yig‘lab, o‘z hamkasbi tajribali o‘qituvchi Gulbo‘ston Nizomiddinovani yordamga chaqirgan.

Nizomitdinova kanadek yopishgan bolalarni ajratib olgan.

Zo‘ravon o‘quvchilardan biri Gulbo‘ston Nizomiddinovani qo‘liga shikast yetkazgan.

Ana shundan keyin Nizomiddinova o‘z singlisi 54 yashar Gulbahor Azimovani yordamga chaqirgan.

Voqea ustiga Gulbahor Azimovaning qizi Dildora Azimova yetib kelgan va jaxli chiqib o‘z xolasi va onasini bezorilardan himoya qilgan. Bolalarni quvib solgan.

Voqeaning ayni shu joyi videoga olinib, ijtimoiy tarmoqqa qo‘yildi.

Tegajoq bola militsiya ro‘yxatida turgan

Eltuz muxbiriga ma'lum bo‘lishicha, o‘z o‘qituvchisini sudga bergan 9 sinf o‘quvchisi Abdurahmon Mahmudov Olmazor tuman IIB voyaga yetmaganlar bilan ishlash bo‘liminning tarbiyasi og‘ir bolalar ro‘yxatida turgan.

Mahmudov o‘z otasi badavlat ekanini ro‘kach qilib maktabda “o‘zi xon ko‘lankasi maydon” bo‘lib “nom chiqargan”

Abduraxmon Mahmudov Xitoy Xalq respublikasida tug‘ilgan ingliz tili bo‘yicha 60 yashar muallima Gulbo‘ston Nizomiddinovani va boshqa viloyatdan kelgan o‘qituvchilarni “kelgindi” ma'nosini beradigan so‘zlar bilan haqoratlab kelgan.

Voqea ertasiga Mahmudovning onasi kelib “Ingliz tili o‘qituvchisini bo‘shattirmasang erimni SNBdagi tanishlarini ishga solib hammangizni yo‘q qilaman” deb talab qo‘ygan.

Shundan keyin Nizomiddinova maktab ma'muriyati talabi bilan ishdan bo‘shash haqida ariza yozdi.

Ta'lim boshqarmasidan Eltuzga ma'lum qilishlaricha, 1 apreldan e'tiboran Gulbo‘ston Nizomiddinova bilan tuzilgan mehnat shartnomasi bekor qilingan.

Tajribali o‘qituvchi Nizomiddinova va yosh o‘qituvchi Chinalievani himoya qilgan maktab direktori direktori Barno Shoqurbonova Toshkent shahar xalq ta'limi boshqarmasi mulozimlari tarafidan tazyiqqa olinib tushuntirish hati yozdirilgan.

O‘qituvchiga jinsiy tegajog‘lik qilgan 9 sinf o‘quvchilari Abdurahmon Mahmudov va Ilhomxo‘ja Abrorovlar “Ingliz tili o‘qituvchisini o‘zi zinadan tushayotib¸ bizga urilib ketdi” deya ko‘rsatma berishgan.

Eltuz muxbiriga yana ma'lum bo‘lishicha, Abdurahmon Mahmudov Olmazor tuman IIB siga guvoh sifatida chaqirilgan o‘quvchilarga “taraf olish uchun” 5 ming so‘mdan pul tarqatgan.

Eltuz.com

Tag‘in o‘qing
16 aprel 2019
Toshkent shahrining Shayxontohur tumani ma'muriy ishlar sudi 15 aprel kuni huquq faoli, 68 yashar A'zam Turg‘unovning ichki ishlar xodimi ...
18 aprel 2017
O‘zbekiston prezidenti Shavkat Mirziyoev Samarqand viloyatiga borganida Bulung‘ur va Nurobod tumanlari hokimlari, tuman prokurorlari, tuman davlat soliq inspektsiyasi rahbarlari ...
10 mart 2017
O‘zbekiston Prezidentining qaroriga ko‘ra, 1 martdan O‘zbekistondagi chakana savdo va xizmat ko‘rsatish sohasidagi barcha tadbirkorlik sub'ektlarida kassa apparatlarining bo‘lishi ...
13 fevral 2020
Siyosatshunos Rafiq Sayfulin Islom Karimov rejimining yetakchi targ‘ibotchilaridan biri edi. Bugun u vatanga xoinlikda ayblanyapti.  Bu ayblov qanchalik to‘g‘ri ...
Bloglar
26 avgust 2022
30 yildirki sargardonlikda, avval Norvegiyada keyin Turkiyada yashayotgan Muhammad Solih yangi kulliyoti – asarlar to‘plami ...
15 avgust 2022
Taniqli siyosat arbobi va shoir Muxammad Solih suhbatining davomida sevimli ayoli Oydin xonim bilan kechirgan ...
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...