Uyida sveti yo‘q o‘zbeklar «Odno» va «Telegramm»da faol

Muttasil elektr uzilishlari va Internetdagi to‘siqlarga qaramay o‘zbekistonliklar ijtimoiy tarmoqlarda faol bo‘lishmoqda.

So‘nggi ma'lumotlarga ko‘ra, 2 million 163 ming 437 o‘zbekistonlik yuzer «Odnoklassniki» tarmog‘idan foydalanmoqda.

Ijtimoiy tarmoqni O‘zbekistondan har kuni 750 ming odam «ziyorat» qiladi. Ular aksariyat mobil telefonidan kiruvchi 25 yoshgacha bo‘lgan yigit qizlardir.

Ko‘proq o‘yin o‘ynash uchun kirishadi

Biroq, bu o‘zbek yoshlarining siyosiy faolligini unchalik anglatmaydi. Ular ko‘proq ko‘ngilochar mavzulardagi guruhlarda kun o‘tkazishadi, o‘yin o‘ynashadi.

«O‘zbekistonlik foydalanuvchilar o‘tgan 2016 yili «Sokroviщa Piratov», «Dolina Sladostey», «World Poker Club», «Neboskreb mechtы» va «Oxota za sokroviщami» kabi o‘yinlarning liderlari bo‘lishdi», – deydi kommunikatsiyalar bo‘yicha tarmoq direktori Anastasiya Jbanova.

«Telegramm»dan esa aloqa vositasi sifatida foydalanishadi

O‘zbekistonliklar faolligini telegramm messenjerida ham kuzatish mumkin. Tarmoq asoschisi Fedor Skuratov, tarmoqqa o‘zbekistondan qo‘shilayotganlar soni MDH davlatlari orasida eng yuqori darajada ekanini bildiradi.

«Odnoklassniki»dan farqli Telegrammdan foydalanishga o‘zbekistonliklarni bir biri bilan aloqa bog‘lash, video, rasm, ovoz jo‘natish ehtiyoji majbur qildi.

Bunday ehtiyoj ayniqsa 2016 yili O‘zbekistonda Skayp va Vayber tarmoqlari sifatining keskin pasayib ketganidan yuzaga chiqqan edi.

Navbatdagi suratida rassom Tuz o‘zbekistonliklarning real turmushdan farqli, telefonlarga ko‘chgan nurafshon virtual hayotini aks ettiradi.

Rassom Tuz
Eltuz.com