Mirziyoev yirik kalamushlar qolib mitti sichqonlar bilan jang qilmoqda

Prezident Mirziyoevning Oliy Majlisdagi tanqididan so‘ng Moliya vazirligidagi 500 dan ziyod xodim bo‘shatildi.

«Moliya tizimining nomiga dog‘ tushirayotgan “kalamushlar”ni haydash yuzasidan hududiy rahbarlarga qat'iy topshiriqlar berilgan», deya bildirdi 27 dekabr kuni O‘zA.

Biroq Mirziyoev haqiqiy yirik kalamushlarni hamon ko‘rmaslikka olmoqda. Masalan, MXX raisi Rustam Inoyatov va uning oilasi ayni shunday «kalamushlar» toifasidan ekani yaqinda oshkor bo‘ldi.

18 dekabr kuni Open Source Investigations (OSI) surishtiruv guruhi Inoyatov oilasining butun dunyo bo‘ylab mulk va shirkatlarga egalik qilayotgani haqida dalillar borligini yozdi.

Surishtiruv guruhi Venadagi Inoyatovlarga tegishli 2,5 million yevro turadigan qasr haqida yozdi. Lekin OSI bu hali xamir uchidan patir ekanini bildirmoqda.

Rassom Tuz
Eltuz.com