Catira
24 mart 2018

«Lo‘lining eshagini so‘y – pulini ol»

Farg‘onaning Qo‘shtepa tumanidagi lo‘lilar yashaydigan mahallada eshak so‘yib sotish sanoat miqyosida amalga oshirilgan.

Shu yilning mart oyi o‘rtalarida «Eltuz»ga yetib kelgan xabarlarga ko‘ra, so‘yilgan eshak go‘shti Toshloq tumanida somsa qilib sotilgan.

Eshak go‘shti bilan bog‘liq janjal bundan oldin ham matbuotga mavzu bo‘lgan edi.

Dastlab Samarqand viloyatida yashirincha eshaklar so‘yib sotilgani haqida «Eltuz» 2016 yilning dekabrida ochiqlagan edi.

«Eltuz»ga yetib kelgan foto va videotasvirlarda jar yoqasidagi behisob skeletlar yotgan eshak qabristoni aks etgan edi.

«O‘zbekiston 24» kanali orqali «sazoyi» qilingan farg‘onalik qassob Ozod Botirov

Ko‘plab eshaklarning shu yerning o‘zida chala so‘yilgani, ularning uyilib yotgan qontalash go‘shtlari va terilarini ko‘rish mumkinligi qassoblar harom-harish bu ishni tezroq yakunlashni ko‘zlaganidan ham dalolat beradi.

Voqeani «Eltuz»ga izohlagan ayrim mutaxassislar eshaklarning terisi va suyagi uchun so‘yilganini taxmin qilishgan, suyagi tegirmonda maydalanib, mol ozuqasiga qo‘shilishini aytishgandi.

2017 yilning noyabriga kelib, Bosh prokuratura huzuridagi departament eshak go‘shti Toshkentning mashhur «Sharshara» brendi ostida chiqarilgan kolbasalarga qo‘shilganini tasdiqlagan edi.

Taniqli o‘zbek kinotasvirchisi Abdulaziz Mahmudov «Eltuz» bilan suhbatda eshak go‘shtini sotish sovet davrida ham mavjud bo‘lganini bildirdi.

«Hamma joylarda ilgaridan bor edi bu holat. Men 1981 yili Qoraqalpog‘istonga safarga borgandim. Beruniydan Nukusgacha cho‘lda kabobxonalar bo‘lardi… Biz vaqti-vaqti bilan to‘xtab ovqatlanganmiz…

Kaboblari juda shirin, go‘shtlari katta-katta, orasida qo‘y dumbasi bilan bir sixi arzimagan 50 tiyin turardi…

Nukusga yetib borib, kabobni maqtasak, bizning ustimizdan qoraqalpoq do‘stlarimiz kulgan… Eeee, nodonlar, eshak go‘shtini yegansanlar, deb izza qilishgan», deya eslaydi suhbatdosh.

Endilikda eshaklar Farg‘onada ham ko‘plab so‘yilayotgani, go‘shti esa somsaga ishlatilayotgani 23 mart kuni «O‘zbekiston 24» kanali orqali praym-taymda namoyish qilindi.

Hali aybi sud tarafidan aniqlanmagan qassoblar, aybsizlik prezumptsiyasiga zid tarzda, ko‘rsatuvda ommaviy sazoyi qilindi.

Eltuz.com

Tag‘in o‘qing
11 sentyabr 2018
Toshkent shahrining Yunusobod tumani hokimi, 42 yashar Baxtiyor Abdusamatov o‘z ish kabinetida 7 sentyabr kuni 400 ming AQSh dollari ...
25 iyul 2016
XIV asr oyoqlagan paytda Buxoroning naqshbandiy ulamolari “yo Ollox do‘st, yo Olloh” deya salovat aytaroq sovuq Sibirga yo‘l olishdi. ...
2 iyun 2020
Tarmoqda 2 iyun kuni Farg‘ona viloyati hokimi Shuhrat G‘anievniki deya ishonilgan audioyozuv tarqaldi. Unda davlat mulozimi “So‘x tumanini xaritadan ...
24 yanvar 2020
Prezident Mirziyoev 2020 yilni «Ilm-ma'rifat va raqamli iqtisodiyotni rivojlantirish yili», deb e'lon qildi. Prezident Shavkat Mirziyoev Oliy Majlisning Senati ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...