Catira
25 iyun 2019

Salom miltiq, alvido bolta!

O‘zbekiston Oliy Majlisi Senatining «Qurol to‘g‘risidagi qonun»ni ma'qullashi ortidan tarmoqda ayni qonun tarafdorlari va qarshilar o‘rtasida bahs qizidi.

«Shaxsiy qurol olib yurish, sotilishi haqidagi qonunga qarshiman. Otish qurollari haqidagi qonun jinoyatchilikning yana ham avj olishiga olib keladi», deya fikr bildirdi feysbuk yuzeri Nigora Umarova.

«Aniq bir-birini otishadi endi ko‘chada, oldin pichoqlagani kamdek», deya yozdi Damir Sobirov.

«Jamiyatimiz hali bunga tayyor emas. Oldin jamiyatimizga inson haq-huquqlarini, inson qadr-qimmatini o‘rgatishni targ‘ib qilinglar. Natijasini ko‘rib chiqib, ana undan keyin bu qonuni o‘rtaga qo‘yinglar», deya ayni fikrni davom ettirdi farg‘onalik feysbuk yuzeri Alim Nishonov.

Surxondaryolik yuzer Rustambek Tog‘aev fikricha, qonun aslida fuqarolarga mutlaqo qurol sotishni ko‘zlagan emas:

«Ovchilar va sportchilar shu paytgacha o‘qotar qurol bilan muomala qilishar edi, shu yanada qat'iy nazoratga olinyapti. Qolgan fuqarolarga elektroshoker, pnevmatik va gazli qurollar ishlatishga ruxsat berilyapti. Bularni hozir ham istalgan sport buyumlari do‘konidan sotib olish mumkin. Lekin endi bemalol sotib olishga yo‘q, ruxsat olish kerak, uchyotga turish kerak».

O‘zbekiston TIV sobiq mulozimi, bugun Shveytsariyada yashayotgan Alisher Taksanovning fikricha, aksincha, qonun qurol qo‘llanilishi va sotilishini tartibga soladi.

«Qurol haqidagi qonun O‘zbekistonda allaqachon qabul qilinishi kerak edi, nima uchun shuncha paytgacha buning kechiktirilganini tushunmayman», deydi Alisher Taksanov.

«Istaysizmi-yo‘qmi, mamlakatda jangovor, xizmat, sport va ov qurollari mavjud. Ular ilgari ham bor edi. Ular shunchaki idora buyruqlari, yo‘riqnomalari va boshqa qog‘ozlar bilan rasmiylashtirilgan. Biroq qonun yo‘q edi…», davom etadi Taksanov.

21 iyun kuni Senat ma'qullagan qonun loyihasida fuqarolarga, davlat xizmatchilariga hamda harbiylarga tegishli qurollar alohida bo‘lingan.

Fuqarolarga mo‘ljallangan qurollar ham, o‘z navbatida, ov, sport va o‘zini o‘zi himoya qilish qurollariga ajratilgan.

Shuningdek, qonun loyihasida qurolga ega bo‘lish uchun yig‘iladigan hujjatlar ro‘yxati va qurolni saqlash qoidalari aks etgan.

Eltuz.com

Tag‘in o‘qing
11 fevral 2020
Toshkentdagi Shodlik Palace mehmonxonasi egalari “Ilhom” teatri jamoasidan binoni bo‘shatishni so‘ragani haqida 10 fevral kuni xabar tarqaldi. Mehmonxonani xususiylashtirgan ...
26 oktyabr 2018
Rossiyaning Tula viloyatida 20 oktyabr kuni 300 dan ziyod migrant shahar ko‘chalaridan harbiy asirlar kabi, bir-birining yelkasiga qo‘llarini qo‘ygancha, ...
11 dekabr 2017
Ëshlar ittifoqi kafilligi ostida jinoyatchilar sud zalidan ozod qilinmoqda. Lekin bu kafillik shu yilning 27 sentyabrida qamoqqa olingan jurnalist ...
14 dekabr 2018
Farg‘ona musiqali drama teatri aktrisasi Malohat Toirova tomoshalariga qalbaki chiptalar sotilganligini fosh qilgani uchun ishdan bo‘shatilganini bildirmoqda. Bu haqda ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...