«Telefondayam odam ishlaydimi?»

Zamonning tez o‘zgarishini qarang.

Bir necha yil oldin katta avlod hali kompyuter ishlatishni bilmasdi, biz esa o‘zimizcha zamonaviy yoshlar sifatida kompyuter o‘rganib, noutbuklar ko‘tarib yurardik.

Bugun bir yoshroq hamkasb telefonda ishlayman deganiga o‘zim tengi jo‘ralar bilan ancha o‘ylanib o‘tirdik, qanday qilib telefonda ishlarkin, qanday qilib shuncha matnni yozarkin, faloncha ishni qilarkin, noqulay emasmi deb. U esa, aksincha, telefon juda qulayligini uqtiryapti. Avlodlar mana shunday almashib, texnologiyalar o‘zgarib boraveradi, ba'zan avlodlar orasida kichik tushunmovchiliklar kelib chiqishi muqarrar – ular kattarib ketmasa bo‘ldi.

Eh, hozirgi yoshlar juda-a aynib ketdi-da, telefondayam ishlaydimi, desam-a.

Eldar Asanov,
Telegramdagi «Asanov formati» blogeri