Kunlardan bir kun Karlovi Varida

Karlovi Vari o‘zbek amaldorlari va ularning banditlari uchun sevimli maskan. 2015 yilning yozi issiq keldi. Sobiq bosh o‘zbek menti Zokir Almatov liporodrenaj zalidagi marmar stolda yotar, toshkentlik mafioz Husan Moskovskiy unga shlangdan suv choptirardi. «Hayotimiz go‘zal», deya o‘yladi Almatov. Ular knedliklardan yeb, ustiga pivo ichib, tashqariga chiqishdi. Karlovi Varining bosh ko‘chasida o‘zbeklar somsa sotishardi. «Agar men bo‘lmasam, ular bu yerda shimildiriqniyam sota olmagan bo‘lishardi», kibr bilan o‘yladi general. U o‘n yil burun Andijon isyonini qanday bostirganini maroq bilan esladi. Shu payt o‘zbek uning yoniga kelib: «Zokir aka, somsadan oling», dedi. «Yo‘q, rahmat, mana o‘n yildirki, Andijon somsasiga allergiyam bor».

Rassom Tuz,
eltuz.com, 2015 yil 23 oktyabr